WAN - Pincarê wisarî ke Wan de bi ameyîşê wisarî reyde serê dezgehan de cayê xo girewt, hem çimeyê debare û hem zî seba xeylêk nêweşîyan şîfa yo.

 

Wan de bi ameyîşê wisarî reyde xeylêk tewirê pincarî cayê xo serê dezgehê esnafan de gênê. Nê tewirê pincarî tewr zêde ke serê dezgehê bazaran de bale anceno û yeno rotiş zî gulek o. Gûliko ke mabêne aşma Nîsan-Gulane de xoza de zergûn beno, tewr  zêde Colemêrg û qezayanê ci de yeno arêdayîş û anê Wan de roşenê. No pincaro ke serê weşîya merdimî de tesîrêk pozîtîf keno, demê krîzê ekonomî de zî seba kesê feqîran çimeyê debare yo.

 

Her ke wisar geş beno tewirê înan zêde beno

 

Esnafê ke serê dezgehê xo gulik û kîngeran roşenê vanê ke ê gulik bi 15 TL, kîngeran zî bi 25 TL roşenê. Esnafê ke dîyar kerdî do peynîya mewsîmê wisarî de tewirê pincarî zêde bibê, wina vat: “Dimayê 15-20 rojan pincarê sey luşe, mendê, soryaz, siyabo, heliz zî vejênê werte. Nê pincarî Wan de peyda nêbenê. Ma Gever û Şemzînan ra anê. Tîya de tena rotişê înan ma kenê.”

 

Pincaro ke werdê kurdan o

 

Tewirê vaşî ke roniştoxê herême ci ra vanê, "pincar" mîyanê her werdê ke kulturê kurdan de yo ca gêno. Her çiqas Gûlik bi pêroyî werdê birinc û bulgur de yeno tercîhkerdiş zî werdê goştî ra bigî heta werdê ke zeytî ra yenê viraştiş de eşkeno bêro amadekerdiş. Tewirê pincarî ke sembolê mewsîmê wisarî yo, seba  weşîye zî xeylêk feydeyîn o. Pincaro ke ci ra gulik yeno vatiş, bi xususî seba reglî baş o, bi dewlemendîya vîtamînê Cyê ke zêde esto, yeno zanayîş. Sewbîna yeno vatiş ke no pincar seba pirzik û xeylêk problemê bîn ê çermê merdiman zî baş o.

 

Vayîya pincarî zêde kerdî

 

Wexto ke ma kolanêk bîn esnafêk ra pîyazan roşeno persenê, o xemgîn beno. Vano, çîyo ke par bi 3,50 TL girewtêne bi 7 TL roto, emsar bi 40 TL girewto û bi 50 TL roto. Esnafî vat, “Merdimî bi ramitişê kel û pelan stresê xo eştêne û nika seba vayîya zêde nêeşkenê ê zî bikerê.