MERKEZÊ XEBERAN - No di aşmî yo ke eşte û gelaşî bajarokê Werte yê Rewanduzî nînê pakîkerdiş. Mîyanê heme kuçe û raşteyan de eşteyê zêde kewtî pêser û hemwelatijî rewşe ra aciz ê.

 

Kêmbîyayîşê cayêk eşteyî vera no di aşmî yo ke gelaş û eşteyî bajarojê Werte û dewa dormeyê ci nînê arêdayîş. Na rewşe weşikîya bajarokî xeripnaya. Roj bi roje gelaş û eşteyî kewenê pêser û zêdîyenê. Kesê berpirsîyarî zî nêeşkenê na rewşe rê çareserîyêk bivînê.

 

Goreyê xebera ke Rojnewsî de ameye weşanayîş, ame vatiş ke ewil eşteyê bajarokê Werte û dewê nizdîyê ci berdêne bajarojê Qesrê yê girêdayeyê Çomanî. La nêrazîbîyayîşê şarê Qesrî vera no di aşmî yo ke eşte û gelaşê Werte rê destur nîno ke bierzîyo cayê verene yê rijnayîşî. Hukmat seba vengkerdişê eşteyan tay cayan dîyar kerd la na reye zî şarê dewe qebul nêkerd ke eşte nizdîyê dewa înan de bêro vengkerdiş.