MERKEZÊ XEBERAN - Rejîmê Îranî reya diyîne çalakwana bi nameyê Sakîna Barwana tepişneno. Sakîna Barwana 4 serrî zîndan de mendebî.

 

Cinîyê ke rayberîya serewedaritişê şarê Îranî û Rojhelatê Kurdistanî kenê, hetê Rejîmê Îranî ra yenê tepiştiş. Tewr peyîn çalakwane Sakîna Barwana keyeyê xo yê bajarê Quçanî de amebî destbendkerdiş û ameye tepiştiş.

 

Sakîna Barwana vernîya nika bi îdiayê “Bi amancê xirabkerdişê asayîşê welat, endamîya komê muxalîf” 5 serrî cezaya zîndanî ci rê amebî birnayîş û 2 serrî zî wezîfeyê aye yê bi partîyanê sîyasî reyde amebi  qedexekerdiş. Sakîna Barwana dimayê 4 serran, 11ê Sibate de ameye veradayîş, la 5ê Nîsane de reyna ameye tepiştiş.

 

Nîno zanayîş ke Sakîne Barwana dimayê ke ameya tepiştiş berdîyaya ça.