Melek Avci

 

ANQARA - Akademîsyen Ozlem Yenîaya ke Unîversîteya Potsdamî de serê paradîgmaya Rayberê PKKyî Abdullah Ocalanî semîner daye, dîyar kerd ke paradîgmaya Abdullah Ocalanî ewro hetê wendekaran ra sey babeta tezî yena destgirewtiş û vat: “Sîstem û modelê alternatîf yê vera kapîtalîzmî seba welatê hirêne yê dinya cigêrayîşî ra vejîya. Serekatî bi paradîgmaya xo 100 serrî aver berd.”

 

Akademîsyen Ozlem Yenîay û Dr Max Olîver Schmîdte ke unîversîteya Potsdamî de 2021î de serê modelê ‘kofederalîzmê demokratîk û netewê demokratîke’, ‘rayîrberîyê xoser’, ‘teorîyê xoserîya demokratîke’ ‘ekolojîya komelî’  û ‘Şorişê Rojavanî’ yê Rayberê PKKyî Abdullah Ocalanî xeylê semîneran pê ard. Xeylê wendekarî beşdarê semînerî bîyî û wendekarî ewro nê babetan sey babeta tezî gênê dest.

 

Aşma Temmzue de zî do sey dewamkerdişê semînerî derheqê konfederalîzmê demokratîk û ekolojîye de semîner pê bêro. Ozlema ke semîneran rê serkêşîye kena derheqê semîneranê ke serra 2021î de pê ameyî û dima ra do se bikerî de JINNEWSî rê qisey kerd.

 

Ozleme dîyar kerd ke ekolojîya komelî û agrokolojî ke sey Tirkîyaye yena astengkerdiş Berlînê Almanya de Unîversîteya Postdamî de sey ders yeno dayîş û vat: “Konfederalîzmê demokratîke yanî bi bedilnayîşê paradigmaya newe reyde modelê newe yê serekatîye peşnîyar kerdo, bi têgêrayîşê bêherran ya Brezîlya û nizdîbîyayîşê ekolojîya komelî yê Bookchînî reyde ana têhet û sey babeta tezî ser de xebetîyena. Babeta mi ya tezî ekolojîya komelî û agroekolojî bî. Ez seba doktora ameya, embaza mi Olîver Schmîdte fikre kursî da mi. Vat tîya de semîner bide. Mi qebul kerd. Tirkîya de nêverdayî ke ez teze xo binusna. Vatî Rojawan ci ra bivejne. Coka ra ez ameya tîya. Kişta nuştişê tezî de vatî ke ti eşkena sey ders zî bida. Ez şaş menda.”

 

Munaqaşayê tewr muhîm lazimîya bedilnayîşê sîstemî yo 

 

Ozleme bale ant pêvînayîşê ke pê arda ser û wina dewam kerd: “Mi serekê beşan reyde pêvînayîş pê ard. Ma dima ra dest bi amadekarîya semînerî kerd. Zafê wendişê mi nuşteyê serekatî ra pê ameyêne. Rayîrberîyê herêmî, şaredarîyê azad, modelê rêxistinî yê corî ra cêrî û qet şik çin o ke tewr muhîm zî Bookchînî qey ekolojiye sey sîwanî pêşnîyar keno û serekatî qey nê çîyî bi Konfederalîzmê Demokratîke reyde gêno dest û ma înan girewt dest. Ma munaqaşayan înan ser de rayra berd. Munaqaşayê tewr muhîmî yê mabenê wendekaran de lazimîya bedilnayîşê sîstemî vejîya raşte.”

 

Wendekarî tezê xo de ser de şuxulênê

 

Ozleme dewam de wina vat: “Nê semîneran wendekaranê Almanya kelecanî kerd. Heta tay wendekaran babete kerdî tezê xo. Ser de şuxulênê. Semîneran xeylêk veng da. Peynîya semîneran de wendekaran ercnayîş nuştî. Heta ma vat werrekna ma nê weşanayîne. Semînerê ma veng dayî. Hamnanî ma do semînerê dewamê nê semîneran pê bîyarê. Kitabê serekatî, babeta semîner û tezan bî. Hetê wendekar û akademîsyenê Almanyayî sey ‘mantalîteyêk seserra 17ine de mendo’ ame ercnayîş.”

 

‘Ma 100 serrî laver berd’

 

Ozleme dîyar kerd ke paradîgmaya Rayberê PKKyî Abdullah Ocalanî xêz kerda, înan 100 serre laver berda û na babete de zî wina vat: “Akademîsyenî wextê peyîn de teorî ra wetayêr, pratîkê tevgerê şarî rê ewnîyenê. Seba nê zî ewnîyayîşê paradîgmayê Abdullah Ocalanî bi kelecan bî. Goreyê mi hêvî ya. Ez 2017ine de Rojawan de menda. Modelê ke amebi pêşnîyazkerdiş, dekewtibi cuye û sey raşteyê konfederalîzmê demokratîk vernîya ma de yo. Ma qalê prosesêko ke şorişê 12 serran kenê. Serekatî bi paradîgmayê ke xêz kerdo, ma 100 laver berd. Tîya ra tepîya zî ma do semîneranê xo dewam bikerê. Ma do paradîgmayê Abdullah Ocalanî partîk de semîneran de dewam bikerê. Sewbîna ma do bi sazgehê enternasyonelî reyde xebatê hempar zî bikerê. Rojhelatê Mîyanên ra bigîrê, heta Başûrê Amerîkayî fikrê Abdullah Ocalanî her ca de wayîr yeno vetiş. Rayberêk her ca de yeno goşdarîkerdiş o. Tecrîdkerdişê ey tecrîdkerdişê fikrê eyî yo, seba nê bi tu hawayî nêeşkeno bêro qebûlkerdiş.”