Melîke Aydin

 

ÎZMÎR - Citkar Goknure dîyar kerd ke îhtîmalê krîzê gida û awe esto ke dinya de bivejîyo, çimeyê awa şîrîne, raşteyê vaşî kenê qurban. Goknure seba kampanyaya ke dayî destpêkerdiş zî vengê paştîdayîşî kerd.

 

22yê Adare Roja Awe ya Dinya de Koma Gida û Bezreyan ya Herême seba qedexekerdişê ramitişî vaş, vindarnayîşê îthalatê vaşî serê malperê Change.org de kampanya da destpêkerdiş. Pawitoxa cuye û teknîkera ramitişî Goknur Yumuşake derheqê babete de qisey kerd. 

 

Goknure da zanayîş ke dinya de seba awa şimitişî sera 5î ra pê yena û na awe her ke şina kêmî bena û wina vat: “Seba awa şimitişî ke her çend şina kêmî bena do dinya de şerê gida û awe dest pêbikero. Seba hezar metrekare erdê vaşî 7 ton awe yena xerckerdiş. Seba vindarnayîşê hegemonyaya şîrketan ganî riho ke vajo vindere bibo. Seba ke awe çinî nêba, krîzê îklîmî giran nêbo û gidayê başî ganî agêrayîşê dewan bêro teşwîqkerdiş. Ganî awe seba resnayîşê vaşî nêra xerckerdiş. Coka ra ma kampanya daye destpêkerdiş û ma vengê paştîdayîşî kenê.”

 

Vaş pêroyê dinya de yeno rotiş

 

Goknure dîyar kerd ke seba pawitişê awa şîrîne sey Koma Gida û Bezreyan ya Herême 22yê Adare de Roja Awe ya Dinya de serê malperê Change.org de kampanya dayî destpêkerdiş û wina dewam kerd: “Seba dîyayîşî raşteyê taybet û îstîmlakî de vaş yeno ramitiş. Seba nê çîyî baxçeyê fekîyan yeno çinîkerdiş. Şîrketê zaf netewî bezreyê înan roşenê. No bî moda. No girêdayeyê averşîyayîşê burjuvazî yo. Banê girdî muhîmî dane dîyayîşî. Fîrma nê bezreyan roşeno pêroyê dinyaye. Kesê ke tay herra înan esta dest bi ramitişê vaşî keno. Mîmarîya peyzajî de yeno şuxulnayîş.” 

 

Çimeyê awe yenê fedakerdiş

 

Goknure dîyar kerd ke her çiqas estetîkbîyayîş bibo zî seba hezar metrekare raşteyê vaşî, roje 7 ton awe yena fedakerdiş û nê vat: "Awa şimitişî yê dinya sera 0,5 a. No zî nêro fedakerdiş. Seba dîyayîşî eşkenê nebatê cîya bêrê şuxulnayîş. Vera vaşî nebatê ke hewteyêk ra reyke yenê awdayîş ganî bêrê tercîhkerdiş. Tirkîya hetê awe welatêk ke probleman ciwîyena ya. Dinya de rêza 40ine de ya.”

 

‘Bostanê bajarî eşkenê bêrê awankerdiş’

 

Goknure, dîyar kerd ke vera raşteyê çîmî eşkayîne bostan biameyîne ramitiş û wina qedêna: “Awanîyan de eşkenê nebatê ramitişî vera vaşî biameyîne ramitiş. Bostanê bajarî eşkenê bêrê ramitiş. Vera çîmî eşkenê sebze û fêkî bêrê ramitiş. La seba temaşekerdişî, seba antişê fotografî çira 21 ton awe bêra xerckerdiş. Seba agêrê dewan, xebatî eşkenê bêrê kerdiş. Eşkenê projeyê ke şarî teşwîq keno bêrê kerdiş. Dilopêk awa ma menda û ganî no zî seba vaşî nêra fedakerdiş.”