MERKEZÊ XEBERAN - Serê serewedarnayîşê Rojhelatê Kurdistan û Îranî ra 200 roje derbaz bî. Goreyê pawitoxê heqanê merdiman tewr tay 537 kesî hetê hêzê dewlete ra ameyî qetilkerdiş.

 

Çalakîyê protestokerdişî 16ê Êlule de badê qetilkerdişê Jîna Emînîye ke Tehran de hetê polîsanê exlaqî ra ameye qetilkerdiş dest pêkerd. Çalakîyî bi lez vilayê pêroyê welatî bî û xeylê gird bî.

 

No serewedarnayîşê şarî yê bi nameyê şoreşê “Jin jiyan azadî” de zafê kiştişan aşmanê yewinan de qewimîya.

 

Goreyê dayeyanê Rêxistina Heqanê Merdiman ya Îranî (ÎHR) mîyanê 200 rojan de tewr tay 537 kesî hetê hêzê dewlete ra ameyî qetilkerdiş.

 

4 çalakwanî zî ameyî dardekerdiş. Eynî wextî de 180 ci ra bi sûcê tiryakî 309 kesî ameyî dardekerdiş.

 

ÎHRyî reaksîyon vera "Komara Îranî cezaya îdamî sey malzemeyêk tersnayîşî şuxulnena” mojna. Da zanayîş ke komeleyê mîyanneteweyî reaksîyon vera nê dardekerdişan nêdano.

 

Aşma Êlule de 223 kesî amebî qetilkerdiş. Teşrîna Verêne de 100, Teşrîna Peyêne de 173 kesî ameyî qetilkerdiş. Aşma Kanûne de ame dîyarkerdiş ke 25 kesî ameyî qetilkerdiş.

 

Mabêne 17-30ê Êlule de 5 kesî, Teşrîna Verêne de 30, Teşrîna Peyêne de 57 û Kanûne de 72 kesî ameyî dardekerdiş.