HELEB - Ewro taxa Şêxmeqsûdî ya bajarê Helebî bi munasebetê 4ê Nîsane rojbîyayîşê Rayberê PKKyî Abdullah Ocalan darî ameyî ronayîş.

 

Ewro taxa Şêxmeqsûdî ya bajarê Helebî bi wesîleya 4ê Nîsane rojbîyayîşê Rayberê PKKyî Abdullah Ocalanî de darî ameyî ronayîş. Darî, parkê Zarokên Pekrewan ke milê xerbîyê taxe keweno ameyî ramitiş. Bi amedbîyayîşê pêro endamê sazgeh, meclîs û partîyan û xeylêk kesê bînî darî ameyî ramitiş.

 

Endama PYDyî Emîne Beyrem ajansê ma rê qisey kerd û vat: "Ma rojbîyayîşê Rayberî temamê dinya pîroz kenê û rojbîyayîşê Rayberî rojbîyayîşê merdimayî yo.”

 

Emîne wina dewam kerd û vat: "Rayberê PKKyî Abdullah Ocalanî kesayetêk ke seba azadîya merdimayî kar û xebat dayê kerdiş la dewleta tirke her tim hemverê fehm û felsefeyê Ryaberî vejîyayê. No seba çinkerdişê şarê kurdî yo seba şarê kurdî bi fikr û fehmê Rayberî ameyê girêdayîş. Sewbîna  amancê komployê ke serê Rayberî de rayra berdê zî dûrvistişê şarî fikir û fehmê Rayber Abdullah Ocalanî yo.”

 

Emîne peynîya qiseykerdişê xo de wina vat: "Ma seke cinî têkoşînê xo dewam bikerê, ma do Rayberê xo azad bikerê û ma do her tim pey projeyê Neteweyê Demokratîke ya seba cinî û komelî ameyo dayîş û çalakîya ma do her dewam bo, heta ma resenê azadîya Rayberî ya fîzîkî.”

 

Bi gêrênayîşê govende çalakî peynî bî.