Marta Somek

 

STENBOL - Avûkate Gulîzar Tuncere da zanayîş ke cezaya zîndanî ya muebbeto giran wexto ke Rayberê PKKyî Abdullah Ocalanî ardî Îmraliyî dest pêkerda û wina vat: “Na rewşe pêroyê zîndanan ser de tesîr viraşte. Nameye nê çîyî îşkence yo. Ganî heme dezgehî xover bidê û berpirsîyarî bigîrê serê mile xo.”

 

15ê Sibata 1999î de Rayberê PKKyî Abdullah Ocalan bi komployêk mîyanneteweyî ardî Girava Îmraliyî û no 24 serrî yo ke binê şertê giranan de yeno tepiştiş. Pawitişê Abdullah Ocalanî bîyî sey kitabêk û bala şarê dinya ant.

 

Avûkate Gulîzar Tuncere derheqê tecrîd û muebbeto girane de JINNEWSî rê ercnayîşan kerd.

 

Avûkate Gulîzar Tuncere da zanayîş ke cezaya zîndanî ya muebbeto giran bi berdişê Rayberê PKKyî Abdullah Ocalanî yê Îmraliyî pê ame û vat: “No caardiş daliqnayîşî ra xirabêr o. Wina pêşkêş kerdî. Seba Ocalanî qanûn vetî. Sewbîna “incommunicado” yanî têkilîya ke nêşikena bêra ronayîş ya mutlakî pê ardî. Omer Hayrî Konar, Veysî Aktaş û Hamili Yildirimî ra zî xeber nîna girewtiş. Keye, avûkat, rayaumûmî û şarê dinya bi veng, muracat û bi hewldayîşanê ke yenê kerdiş waştişê azadîya fîzîkî ya Abdullah Ocalan kenê."

 

Caardişê giranî

 

Gulîzare ard ziwan ke heqê ke ameyî destfînayîş hetê sîstemo bîyayeye ra ameyî xespkerdiş û wina vat: “Nika caardişê giran serê tepişteyanê sîyasîyan de esto. Verê cû sîstemê huqûqî yê tirkî de cezaya zîndanî ya giran yê heta mergî çinî bî. Kesê ke prosesê tepiştişê  Abdullah Ocalanî de welat rayra berdêne, vatêne ma do cezayêke ke daliqnayîşî ra giranêr a bidê. Ma do hêdî hêdî bikişê.”

 

Heqê hêvîye nêeşkeno bêro çinîkerdiş

 

Gulîzare dîyar kerd ke cezaya muebbetê giran hêvîya nêvejîyayîşê teberî vînî kena û vat: “Qeraranê AÎHMî de yeno vatiş ke şima nêşikenê heqanê hêvîye yê vejîyayîşê teberi yê tepişteyan wedarê. Îmraliyî de heqê sohbetê tepişteyan zî yeno astengkerdiş.”

 

'Nimûneyê tecrîdê serê Abdullah Ocalanî çin o' 

 

Gulîzare dîyar kerd ke dinya de nimûneyê tecrîdê serê Abdullah Ocalanî çin o û wina zêde kerd: "Komîteyê Wezaretê Konseya Ewropayî qerarê caardişî nêgîno û tenê îqaz keno. Keye û avûkatî nêeşkenê pêvînayîş bi Abdullah Ocalanî reyde bikerê. Tu cayêk dinya de çîyêk winasî çin o. No tesîrê serê tepişteyanê bînan zî keno.”

 

'Nameyê nê îşkence yo' 

 

Gulîzare dîyar kerd ke hemverê Rayberê PKKyî de huqûqê dişminî pê yeno û wina vat: "Seba berjewendîyê xo tecrîd peynî nêkenê. Serra 1999ine ra heta nika nêzdîbîyayîşê welatan dîyar bî. Nika tecrîdê Îmraliyî tecrîdêk giran o. Ma nê sey şîdetêk vînenê. Nameyê nê îşkence yo."

 

Têkoşînê hemverê tecrîdî

 

Gulîzare da zanayîş ke pêwa pêro bêhuqûqiyan têkoşîno ke yeno dayîş bi mana û girîng o û wina vat: “Ganî ma bivînê ke tecrîd senîn mîyanê komelî de vila beno û nê gore ma metodê têkoşînê xo aver berê. Ganî pêro kesî no het de berpirsîyarî bigîrê serê xo."