Rojda Aydin - Rabîa Unver

 

AMED - Cinîyê Amedî derheqê weçînayîşê 14ê Gulane ke do bêro kerdiş de ercnayîş û waştişê xo ardî ziwan ser. Cinîyîyan vatî ke wa îqtîdaro bîyaye êdî şêro û krîzo ke welat de yeno ciwiyayîş peynî bibo.

 

Tirkîya ver bi weçînayîşo ke do 14ê Gulane de bêro kerdiş yê Serekkomarî û Pêroyî ra şina. No weçînayîş seba heme şaranê Tirkîya û Kurdistanî weçînayîşêk muhîm o. partîya Demokratîke ya Şaran (HDP) dewaya qefilnayîşî ke derheqê aye de ameya akerdiş vera do tewrê Partîya Çep a Keskan reyde dekewo weçînayîş. Sewbîna Tîfaqê Ked û Azadîye vat ke do namzed nêvejê û Tîfaqê Milet û Cumhurî zî namzedanê xo dîyar kerd. Şaro ke nê weçînayîşî ra xewylê hêvîyin o wazeno ke Serekkomar Recep Tayyîp Erdogan şêro. 

 

Mesajê cinîyan

 

Cinîyê Amedî derheqê babeta weçînayîşî de ercnayîş, waştiş û fikre xo ardî ziwan ser. Cinîyan dest pêkerdişê qiseykerdişê xo de waştî ke tecrîdo ke pêroyê zîndananê Tirkîya û Kurdistanî de vila bîyo peynî bibo û berê zîndanan bêrê akerdiş. Cinîyan vatî ke butçeya ke seba şarî ameya cîyakerdiş îqtîdar şerî rê xerc keno û vernîya krîzê ekonomîyî akeno. Cinîyan waştî ke wa îqtîdaro bîyaye êdî şêro û no şer vindero, no krîz çareser bibo. Sewbîna cinîyan bale ant serê şîdet û qirkerdişo ke hemverê cinîyan de zêde bîyo ser û ê waştî ke heqê xo reyna bi dest bifînî.