RIHA - Çalakîya "Nobeta Edaletî" ya keyeyê Şenyaşarî roja 740ine de dewam kena û keyeyî ewro no mesaj pare kerd: "Tîja ke nê prosesê tarî roşn bikero, do Riha de wurzo."

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsê Rihayî de hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşar ameyî qetilkerdiş. Nê ser de Emîne Şenyaşar û lajê aye Ferît Şenyaşar 9ê adara 2021ine de vernîya Edlîyeyê Rihayî de dest bi çalakîya Nobeta Edaletî kerdî. Çalakîya keyeyê Şenyaşarî roja 740ine de dewam kena. Keye, seba peynîya hewteyî yo û edlîye padaye yo nobeta xo banê xo yê qezaya  Pirsûsî de dewam keno. 

 

Keye, serê hesabê xo yê medyaya dîjîtale de nê parekerdişî kerd: "Bingehên negatîfî yê sey perwerdeyê vînîbîyaye, îqtîdaro bawerîya xo vînî kerdo, feqîrîya ke her ke şina zêde bena û sîstemê hukmî yê sîyasî bîyo bêedaletî esto. Tîja ke nê prosesê tarî roşn bikero do Riha ra wurzo."