RIHA - Dewa Amarayî ke her serre 4ê Nîsane de şar serdayîşê dewe keno, emser zî paweyê mêmananê xo ya. Dewa Amara, bi ameyîşê wisarî reyde mîyanê vaş û daranê zergûnan de bi akerdişê gul û rîhanan 4ê Nîsane pêşwazî kena.

 

Şarê kurdî her serre 4ê Nîsane rojbîyayîşê Rayberê PKKyî Abdullah Ocalanî de serdayîşê keyeyê Ocalanî ya dewa Amara ya qezeya Xelfetîya Rihayî keno, emser zî hemverê tecrîdê girankerde bi waştişê azadîya fizîkî ya Ocalanî 4ê Nîsane pêşwazî keno.

 

Kongreya Komeleya Demokratîk (KCD), Partîya Herêmê Demokratîk (DBP), Tevgerê Cinîyan Azadan (TJA), Partîya Demokratîke ya Şaran (HDP), Federasyonê Komeleyê Huqûqî û Paştdayîşê bi Keyeyanê Tepişteyan û Hikûmwerdoxan reyde (MED TÛHAD FED), dîyar kerdî ke do çarçewaya çalakîyê 4ê Nîsane de rojbîyayîşê Rayberê PKKyî Abdullah Ocalan de daran ronê û çalakîyê tewir bi tewir bikerê û tewr peyîn zî bi hawayêkê girseyî rayîr ra şîyayîşê Amara organîze bikerê.

 

Dewa Amara ke her serre 4ê Nîsane de şar serdayîşê dewe keno, emser zî paweyê mêmananê xo yo. Dewa Amara bi ameyîşê wisarî reyde mîyanê vaş û darê zergûnan de bi akerdişê gul û rîhanan de 4ê Nîsane pêşwazî kena.