MERKEZÊ XEBERAN - Rayberê PKKyî Abdullah Ocalan, perspektîfê ‘Hemcuya Azad’ ya seba azadîya komelî formule kerd, dinya de eleqeyêk pîl dî û sere de hetê cinîyan ra pêro komel munaqeşe keno.

 

Rayberê PKKyî Abdullah Ocalanî têkoşînê azadîya cinîyanê kurdan de çarçewaya îdeolojîkî yê formule kerdo, bala pêro cinîyanê dinya anceno. Perspektîfê ‘hemcuya azad’ ya çarçewaya cuya seyyewbînî û azadîya komelî dîyar kena, serrê peyînan de hetê tevgerê cinîyan ra yeno munaqeşekerdiş.

 

Abdullah Ocalan pawitişê xo de dîyar keno ke heta şeklê têkîlîyê mabêne cinî û camêrdî de nêro famkerdiş, problemê komelî zî nînê  famkerdiş û dîyar keno ke esasê heme problemê komelî de no problem esto.

 

Abdullah Ocalan derheqê probleman de nê tespîtan keno: “Bindestî û pelçiqnayîşê komelî serê statuyê netewî û sinifî de berz beno. Rastîya şer û pêrodayîşan de no esto. Kapîtalîzm tewr zêde rastîya statuyê koletîya cinîyan nimineno. Cinîyî sosyolojîyê modernîte de sey karkerê keyeyî û kesa ke tutan ana dinya ya. Famkerdişê nê rastîyan ganî hamleyê yewin ê sosyolojî bîne. Seba formê koletîya tîya protîpê formê binpaykerdiş û koletîya heme komelî ya. Têkoşînê cinîyan ê hemverê nê binpaykerdiş û koletîye, esasê têkoşînê seyyewbînî û azadîya komelî yo.

 

Serê vakiayê cinî de kûrbîyayîş

 

Demo esas saxlem û rast nêbo, leqnayîşêk qij de do birijîyo. Tarîx de xeylêk nimûneyê ci estê. Seba nê, demo ke problemê komelî yenê destgirewtiş, ganî serê esasê cinî, serê seyyewbînî û azadîya rastîya cinî de bêro vindarnayîş. Metodêk cigêrayîşî yê rastîya cinî ra dûr, tu azadî û seyyewbînî pê nêano û nêreseno heqîqet.

 

Demo ke merdim bi camêrdan reyde bikewo rayîr, merdim nêeşkeno cinî û cuye rast nas bikero. Bîyayîşê xozayîya cinîyan tewr zêde sewîyeyêka merkezî ya. Hetê biyolojîk de zî no wina yo. Xozaya cuye girêdayê cinîyan a. Dişminîyê camêrdan hemverê cuye zî girêdayê rastîya komelê ci de ciwîyeno yo."

 

Ganî hemcuya azad de cinî se bikera?

 

Abdullah Ocalan dîyar keno ke rewşa bîyaye de bi cinî û camêrdan reyde cuye mumkin nîya û seba nê zî ganî ‘hemcuya azad' bêra awankerdiş.

 

Abdulah Ocalan  çîyê lazim ê awankerdişê hemcuya azad de wina rêz keno:

 

“* Ganî cinî bizano têkilîyêk cinsî yê bi camêrdan reyde tena bi tatmînbîyayîşê bîyolojîk sînor nîyo. Serdestîyê camêrdan eşkeno rayîr ver bi mergî abikero. Cinî bi zewacî reyde kewena qefes û dima ra zî wina asan ci ra nêvejêna. Bedelê nê bi canê xo yan zî bi teslîmbîyayîşî dana. Ganî cinî nê baş bizano ke camêrdo hegemonîk û cinîya teslîm bîya nê lêşinî de rolê sereyîn kay kenê. Camêrd roja xirakerdişê bekaretê cinî bi serberzî pêşkêş keno. Binê nê de hêzê tatmînbîyayîşî esto. No seba înan yeno manaya tespîtkerdişê camêrdî. No camêrdê ciwanan rê zî yeno musnayîş.

 

* Cinî, seba nê ganî bizanê ke camêrdî neçîrwanîya înan kenê û nê gore têbigêrê, terzê xo wina aver berê. Camêrdî her îmkanî de cinîyan kenê binê lepê xo û teda kenê. Wazenê wina cinîyan zeft bikerê. Ganî cinî nê bizano û wina kewenê raşteyê komelî.

 

* Ganî bêro zanayîş ke hedefê esas ê modernîtê kapîtalîstî cinî ya û wazeno cinî bikero koleyê modern. Cinî hemverê kapîtalîzmî de sewîyeya hêzê hêrişî de ya. Cinî hemverê camêrdê modernîte  de vînîkerdiş ra xilas nêbena. Yanî her rayîr cinî bena koletîya cinîya modern.

 

* Eke cinî pêwa nê serdestîya camêrdan azadbîyayîşê de bi israr bo, o wext ganî pêwa pêro zehmetîyan têkoşîn bikero. Tenabîyayîş seba rewşê marjînal derbazdar o. Cuya sosyalist zî hemcuyêka azad hewce kena."

 

Awankerdişê hemcuya azad de ganî camêrdî se bikerê?

 

Abdullah Ocalan seba camêrdan zî çîyê ke ganî esas bêrê girewtiş wina  formule keno:

 

“* Ganî camêrdî bizanê ke cinîya vernîya înan 5 hezar serrî yo binê hegomonyaya camêrdî de koletî ci rê ameya ferzkerdiş. Heme stratejîyê cuya cinî nê esasî de ameya awankerdiş. Eke camêrd pey hemcuya azad bibo, xilasbîyayîşê înan zî nê rê zehmet o. Camêrdî heta nê stratejî ra xilas nêbê, nêeşkenê têkoşînê komelê sosyalîst de hemle bierzê.

 

* Ganî camêrdî bizanê ke rewşa zewacî de camêrdî zî bi qasê cinî kewto rewşa koletî. Seba tesîrê negatîfê nê serê xo ra bierzo ganî pey cuya sosyalîst de şêro.

 

* Hemverê kulturê cinsperest yê modernîteyê kapîtalîst ganî şerê nefsî bêro dayîş û bi serkewtişî têkoşîn bikero.

 

* Hemverê nê pêro bindestî, pelçiqnayîş û caardişan seba hemcuya azad ganî tewr tay bi qasê têkoşînê cuya azad têkoşînê camêrdê azadî zî bêro dayîş. No zî bi çareserkerdişê şexsê camêrdo kole de mumkin o."