Gulîstan Dursun

 

RIHA - Dayîka Aştîye Miyaser Korkmaz derheqê pîrozbayîyê rojbîyayîşê Rayberê PKKyî Abdullah Ocalanî de qisey kerd û wina vat: "Ma wazenê serekê xo verê xo de bivînê. Ma waştişê azadîya fîzîkî kenê. Azadîya ey azadîya ma ya.”

 

Rayberê PKKyî Abdullah Ocalan ke 24 serrî yo Îmraliyî de binê tecrîdê giran de yeno tepiştiş, 25ê Adara 2021ine ra agahî ci ra nîna girewtiş. Pêwa pêro muracatan bi hawayêkê kêfî pêvînayîşî yenê qedexekerdiş. Tecrîdê serê Abdullah Ocalanî dewam keno û şarê kurdî nika xo seba pîrozbayîya 74ine rojbîyayîşê ey de xo amade keno. Emser zî şarê kurdî do bi şîarê ‘Seba azadîye ver bi Amara’ do ver bi Amara şêrê.

 

Dayîka Aştîye Miyaser Korkmaz ke serra 2008ine ra tewrê rayî ra şîyayîşê Amara bena, derheqê amancê rayîr ra şîyayîşî de ajansê ma rê qisey kerd.

 

Mîyasere da zanayîş ke serra 2008î de Kurdistan û Tirkîya de bi des hezaran kesî seba şîyayîşê Amaraye ya Alîgorî ya Pirsûsî ameyî têhet û rihê ê wextî ser o wina vat: “Sey festivale bî. Şew û rojek dewam kerd. Konî ameyî ronayîş. Werd ameyî pewtiş. Mesajê aştîye ameyêne dayîş. Xeylê weş derbaz bîyêne. Qiseykerdiş ameyêne kerdiş û sînevîzyon ameyêne mojnayîş.”

 

Mîyasere bale ant serra 2009î ser zî û vat ke şar reyna Alîgorî de ame têhet û seba Abdullah Ocalan şitil ame ronayîş û wina dewam kerd: “Dima ra ma ver bi Amaraye ra rayra şîyî. Leşker û polîsan hêrişê ma kerd. Mustafa Dag û Mahsum Karaoglan uca de ameyî qetilkerdiş. Cinî û ciwanan hirê rojan rayîr ra şîyî û resayî Amara. Serekatî hêvîyê ma yo. Bê ci cuye nêbena. Heta serekatî nêvejîyo şarê kurd azad nêbeno.”

 

Azadîya ci azadîya heme Rojhelatê Mîyanênî ya

 

Mîyasere peynîya qiseykerdişê xo de nê çîyan ard ziwan: “Ma wazenê ke sey serrranê verênan şêrê Amara. Na dewe dewa ke serekatî tede ameyo dinya ya. Nika yew xebetêke ci rê nîno kerdiş. Ma wazenê ke serekatîya xo kişta xo de bivînê. Azadîya ci azadîya heme Rojhelatê Mîyanênî ya.”