WAN - Endama Komîteya Tertîpî ya Newroza Wanî Ceyda Dînlare da zanayîş ke dest bi amadekarîya Newroze kerdî û vat ke do raşteyan de hemverê tecrîdî de hêrsê xo bîyarê ziwan.

 

Emserr Newroze bi şîarê ‘Her ca Newwroze her ca Azadî’ do bêra pîrozkerdiş. Endama Komîteya Tertîpî ya Newroza Wanî Ceyda Dînlare derheqê amadekarîya Newroza ke do emserr dîyarîya kesê ke erdlerzî de dinyaya xo bedilnayî bêra kerdiş de qisey kerd.

 

Ceyda Dîndare ard ziwan ke înan dest bi amadekarîya Newroze kerdî û do Wan de bi şîyarê ‘Her ca Newwroze her ca Azadî’ raşteyan de bibê.

 

Do serewedarnayîşî biqîrê

 

Ceydaye da zanayîş ke emserr înan bi dejê erdlerzo ke 11 bajaran girewt binê tesîrê xo, Newroze pêşwazî kenê û wina dewam kerd: “Newroze her serre bi coş ameyêne pîrozkerdiş. La çi heyfo ke ma dejê şarê xo pare kenê. Raşteyê Newroze sembolê aştî, azadî û seyyewbînanî yo. Vernîya ma de demêk muhîm yê weçînayîşî esto. Nê demê weçînayîşî reyde ma do serewedarnayîşê xo raşteyanê Newroze de biqîrê. Ma xebata xo bi hawayêkê xurt her ca de rayra benê.”

 

Ceydaye qiseykerdişê xo yê peyênan de bale ant tecrîdo girankerde ke serê Rayberê PKKyî Abdullah Ocalanî de yeno kerdiş û vat: “Newroza 2023yî do biba nuqtaya şikitişê tecrîdî. Do şarê Kurd raşteyan de bi coşê xo tecrîdî bişikino. Tecrîd pêroyê hetan ser de tesir viraşt o. Ma heme şarê xo bi hawayêkê xurt dawetê raşteyanê Newroze kenê.”