MERKEZÊ XEBERAN - Bernameyê Newroza emserî do bi sloganê "Her der Newroz, her dem azadî" bêro pîrozkerdiş eşkera bi.

 

Roşanê Newroza emserî her serre bi tewrbîyayîşê milyonan kesan yeno pîrozkerdiş. Newroza emserî do bi sloganê “Her der Newroz, her dem azadî” û “Bi agirê Newrozê ber bi azadiyê ve” yena pîrozkerdiş.  Seba erdlerzê Mereşî yê 6ê sibate de, Newroza 2023ime diyarîyê qurbaniyê erdlerzî ame kerdiş. Startê Newroza 2023ine bi serkêşîya Kongreya Komela Demokratîke (KCD), Tevgerê Cinîyanê Azadan (TJA), Partîya Herêmê Demokratîk (DBP), Partîya Demokratîke ya Şaran (HDP) û Kongreya Demokratîke ya Şaran (HDK) Stenbol de bi deklarasyonêk ame dayîş. 

 

Newroza emserî 43 merkezan de bêra pîrozkerdiş û bernameyê ci diyar bî. Adirê ewilî yê Newroza emserî do 15ê adare de qezaya Şemzînanî ya Colemêrgî bêro tafistiş. Bi wesîleya qirkerdişê Helebçeyî do 16ê adare de çalakîyê yadkerdişî bêrê organîzekerdiş. 17ê adare zî beno çewresê erdlerzê Mereşî coka do pîrozbayî nêrê kerdiş. Fînalê pîrozbayîyê Newroze zî do 21ê Adare de Amed de bêro organîzekerdiş. Pêwa 43 merkezan, sewbîna do temamê bajar, qeza, dewe û bajarokan adirê Newroze bêro tafistiş û pîrozbayî bêrê kerdiş. 

 

Bernameyê Newroza 2023ine ke do 43 merkezan bêro organîzekerdiş wina yo:

 

18ê Adare

 

Colemêrg, Xarpêt-Dep, Agirî-Panos, Mûş-Kop, Aydin-Germencîk.

 

19ê Adare

 

Stenbol, Wan, Mêrdîn-Qoser, Colemêrg-Gever, Dêrsim, Çewlik, Êlih, Sêrt, Îdir, Mûş, Enqere, Mêrsîn, Antalya, Îzmîr, Aydin, Mugla, Denîzlî, Manîsa, Bursa, Tekîrdag, Balikesîr, Kocaelî-Gebze, Agirî-Bazîd, Bedlîs-Tetwan, Sakarya-Arîfiye.

 

20ê Adare

 

Qers, Agirî, Erdexan, Mêrdîn-Nisêbîn, Erzirom-Qereyazî.

 

21ê Adare

 

Amed, Şirnex-Cizîr, Riha-Wêranşar, Çanakkale.