HATAY - Cinî bi Pîya bi Hêz ê Hatay de bi wesîleya 8ê Adarê rêzile cuye awan kerdî. Cinîyan Hatay ra mesajê, "Ma do no bajar de cuye newe ra awan bikerê" dayî.

 

Cinî Pîya bi Hêz ê Hatay de bi wesîleya 8ê Adare rêzile cuye awan kerdî û eşkerayîye dayî çapemenî. Eşkerayîye de pankartê “Ma do no bajar de cuye newe ra awan bikerê" akerdî. Parlamentara Partîya Demokratîke ya Şaran (HDP) ya Stenbolî Zuleyha Gulum tewrê çalakîye bî. Metnê eşkerayîye hetê endama Cinî Pîya bi Hêz ê Fatma Ardale ra ame wendiş.

 

Eşkerayîye de wina ame vatiş:

 

"Ma emsar bi hêrsê bi hezaran wayê û embazê xo yê vînîbîyaye û ruhê têkoşînî ke ma de awan kerdo, kewenê 8ê Adare. Ma sey cinîyê Defne, Samandag, Serinyol û Antakyayî tîya de yê. Seba ma hesab bipersê, seba cuya ma ya newe awan biba ma tîya yê, seba heme wayê û embazanê xo vînîbîyaye ma tîya yê, seba ma kuçe û bajaraê xo newe ra awan bikerê, bibê welatê yewbînan ma tîya yê. Ma fek cuye xo ra vera nêda û ma do vera nêdê.

 

La şima ma hîna baş nas kenê torê pêgirewtişî yê ke ma bi rojan wayanê xo reyde awan kerdo, salonê dadgehî ke ma her kiştişê cinîyan de pirr kenê û rayîr şîyayîşê ma yê ke her kuçe de şima vanê qedexe yo. Ma venga her cinîyê ke tîya vengê ma eşnawenê dawetê herêma erdlerzî kenê yan zî wa bibê hoka na rêzile."