ANQARA - Muxabîra ma Dîlan Babat û yê MAyî Firat Can Arslan ke wexto cenazeya rojnamegere û akademîsyene Nagîhan Akarsele taqîb kerdêne û amebî destbendkerdiş, dewa ameye akerdiş.

 

Muxabîra ma Dîlan Babat û muxabîrê Ajansê Mezopotamya (MA) Firat Can Arslan seba ke taxa Xelikan ya qezaya Cîhanbeylî ya Konyayî, merasîmê cenazeya endama Merkezê Cigêrayîşê  Jineolojîyî Nagihan Akarsel ke aşma Teşrîna Verêne de Silêmanîyê Başûrê Kurdistanî de ameye qetilkerdiş taqîb kerdibî amebî destbendkerdiş û dimayê ke  Qereqolê Cendirmeyanê Cîhanbeylî de îfadeyê înan amebi girewtiş, serbest ameyî veradayîş. Cipersayîşê ke hetê Buroyê Cipersayîşî yê Sûcê Organîze yê Konyayî derheqê rojnamegeran de amebî destpêkerdiş peynî bi.

 

Îdanameyo ke derheqê Dîlane û Firatî de ame amadekerdiş, hetê 2yîne Dadgeha Cezaya Giran ê Konyayî ra ame qebûlkerdiş. Roniştişê yewin ê dewaya ke rojnamegerî ci ra yenê muhakemekerdiş do 25ê Gulane de bêro vînayîş.

 

Îdanameyo ke derheqê Dîlane û Firatî de hetê TMKyî ra ame amadekerdiş de serrêke ra heta 3 serran cezaya zîndanî yena waştiş.