MEREŞ - Cinîyanê TJA, HDP û KESKî çarçewaya 8ê Adare de şî herêmê erdlerzî û serdayîşê paştdayîşê cinîyan kerdî. Sewbîna hacetê pakitî vila kerdî.

 

Tevgerê Cinîyanê Azadan (TJA), Meclîsê Partîya Demokratîke ya Şaran (HDP) û Meclîsê Cinîyan ê Konfederasyonê Sendîkayê Kedkarê Îstîmlakî (KESK) çarçewaya 8ê Adare de Elbîstanê Mereşî de şîyî serdayîşê cinîyan û malzemeyê pakitî vila kerdî. 

 

Vernîya serdayîşê Hemsereka HDPyî ya Çewlîkî Mihriban Ekinci wina vat: “Bi sloganê 'Paştdayîşê cinîyan dano ciwîyayîş’ ma do lazimîyê cinîyan biresnê verê destê înan. Paştdayîşê cinîyan dano ciwîyayîş." 

 

Dimayê eşkerayîye sloganê "Jin jiyan azadî" ame berzkerdiş.

 

Cinîyê ke seba paştdayîşî ameyî malzemeyê pakitî vila kerdî. Dimayê kuçeyan ê do serdayîşê dewan dewam bikerê.