MERKEZÊ XEBERAN - Kongreya Starî seba Suheyla Qazîya ke emrê 82 serrî de wefat kerd, mesajê sersaxî da.

 

Meclîsê Kongreya Starî derheqê wefatê Suheyla Qazî de bajarê Bonî yê Almanyayî, mesajê sersaxî weşan kerd. Suheyla Qazî eynî wextî de kênaya Serekê Komara Kurdî ya Mahabadî yê Qazî Mihemedî ya.

 

Suheyla Qazî 2010ine de beşdarê Kongra Cinîyan ê Kurdan ê Amedî bîbî û o wext de ajansê DÎHAyî rê wina qisey kerdibi: "Ez bi hesreta agêrayîşê welatî ya." Goreyê Meclisê Kongra Star, Suheyla zêdeyêrê 40 serran surgun de ciwîyaya.

 

Meclîsî dîyar kerd ke demê pêşewa Qazî Mihemedî 31ê Adara 1947ine hetê îqtîdarê Îranî ra ameya dardekerdiş, Suheyla o wext 7 serrî bîya.

 

Meclîsê keyeyê Suheyla Qazî Mihemed û roniştoxê Rojhelatê Kurdistanî rê sersaxî waşt û xemgînîyê xo ard ziwan.