Nîşmiye Guler 

 

MEREŞ - Tutê ke bajarokê Narliyî erdlerz ra xilas bîyê resiman xêz kenê. Tutê ke erdlerzî bi tesîr bîyê fotografê xo de awanîyê zaf qatî nê, yewqatî xêz kenê. Fotografê xo de xeylêk mesajan danê pîlan. 

 

Tutê ke erdlerz ra mexdûr bîyê, çîyêk nêzanê (yan zî ma wina fikrîyenê) cuya xo mîyanê konî, wesayît yan zî raşteyê cuye yê ke keyeyê înan înan ra awan kerdê dewam kenê. Berpirsîyarê nê wêrankerdişî mîyanê ma de kenê, no wêranbîyayîş do hişê tutan de bimano.

 

 

Seba tutan, hetê merkezê koordînasyonî yê hetê rêxistinê sivîlî yê demokratîkî ra binê rayberîya Konfederasyonê Sendîkayan ê Kedkarê Îstîmlakî (KESK) de bajarokê Narli yê qezaya Bêzarcixî wareyêk taybet ame awankerdiş. Endamê Sendîkayê Kedkarê Zanyarî û Perwerdeyî (EGÎTÎM SEN) bi zerrîwazî seba tutan ameyî bajarok. Seba tutan konî dayî ro û temamê roje de bi tutan reyde eleqedar benê. Seba psîkolojîyê tutan, fotograf xêz kenê, kayan kay kenê û deyîran vanê. 

 

Bi na xebate tutê ke mektebî înan rijyayî îmaknêk girîng o. Tutî tîya pîya kay kenê û kêm bo zî psîkolojîyê erdlerzî ra dûr kewenê. Tutî bi kayanê ke hetê zerrîwazan ra ameyî şirawitiş reyde kay kenê.

 

 

Fotografê ke tutê mexdûrê erdlerzî xêzkerdişê balkêş ê. Bi fotografê xo yê reng bi rengê boyaxkerde psîkolojî yê erdlerzî zî anê ziwan. Tutî awanîyê xo yê rijyayî bi boyaxê rengîn xêz kenê. La xêzan de hewn û xeyalanê xo zî xêz kenê. Xeyalê tutan de awanîyê zaf qatin ney, yew qatî estê. Nê tutî zî zanê ke awanîyê zafqatî yê ke hetê pîlan ra yo ameyî viraştiş de do rijnayîş û do berê goristan.

 

Sewbîna wina de fotografê tutan de çîyo tewr balkêş vejêno vernî zî hurmeto ke xozayî rê ameyê mojnayîş o. Her fotografan de dar û şînahî esto. Tutî sey pîlan ney sey pîlan têgêrenê û wazenê cayê şînahî zêde bê. Nê resimê ke ameyî xezkerdiş xeylêk mesajî girdî danê pîlan. Resimê nê tutan de ewnîyayîşê azadîya cinîyan ê ekolojîk û demokratîkî esto…