ANQARA - Ozge Ozbek ke dimayê cezaya aye ameye taloqkerdiş û ameye emelîyatkerdiş, nêweşxane ra reyna ameye girewtiş û şirawitî zîndan. ATKyî raporê "eşkena rayîr ra şêro" da û nîna tehlîyekerdiş.

 

Rewşa tepişteyê nêweşan her ke şina giran bena û îmkanê dermankerdişî seba tepişteyan nîno dayîş. Yew nê nêweşan ra tepişteya nêweşe Ozge Ozbek a. Ozge ke mezgê aye de tumor esto û nêeşkena tepişte bimana, hîrê aşmî cezaye aye ameye taloqkerdiş. Ozge 27ê teşrîna verêne 2020ine de Stenbol de emelîyat bî û dimayê  emelîyatî sebebê qerarê aye tepiştişî esto, reyna ameye tepiştiş û şirawitê zîndanê Cinîyan ê Gebzeyî.

 

Ozge ke zîndanê cinîyan ê Gebezeyî de manena, seba kontrolê xo şina nêweşxane, doktor ci rê neql kerd ke ganî lezgînî bêra dermankerdiş û vat, seba emelîyat derbaz kerda, nêeşkena şertê zîndanî de bimana.

 

Seba nêweşxaneyê dewlete yê Stenbolî îmkanê dermankerdişî çin o û nêweşxaneyê taybet zî dermankerdişî red kenê, aşme vîyarte de zîndanê Gebzeyî seba dermankerdişî 13ê Çeleyî 2023ine de şirawite zîndanê Sîncanî yê Cinîyan ê Anqarayî.

 

'ATK vano 'ti eşkena rayîr ra şêrê'

 

Mêrdeyê aye Ozgur Ozbekî da zanayîş ke Ozge nêeşnawena, dengeyê xo vînî kena û dejê sereyê ciwîyena û wina dewam kerd: “Şertê zîndanî tesîrêk pîl ser de keno. Nêweşxaneyê Gebzeyî raporê nêeşkena tepişte bimana dayî. La ATK vano, ti eşkena rayîr ra şêrê û raporê nêeşkena bimana nêdano. Bi israr nê çî red keno."

 

‘Tahlîyekerdiş yeno astengkerdiş'

 

Ozgurî wina qedêna: "Cinîya mi seba tumorî emelîyat bî. Mezg de nêzdîyê 10 tumorî estê. Hema nêweşxane de bî, ameyî berdî zîndan. Heyetê nêweşxaneyê Gebzeyî vat, ganî bêra veradayîş. No het ra rapor da. Doktoran vat, nêweşîya aye aver şîya. Ganî bêra dermankerdiş. La bi sebebê dermankerdişî Stenbol ra sewqê Anqara kerdî. Ma nêeşkenê şêrê bivînê. Ma wazenê bêra tahlîyekerdiş û ma dermankerdişê aye bidê destpêkerdiş. Ganî lezgînî bêra veradayîş."