RIHA - Çalakîya Nobeta Edaletî ya keyeyê Şenyaşarî roja 703ine de dewam kena. Keye, çalakîya ewro de nê mesajî da: “Dejê ma giran o, welat binê xirbeyan de yo. Ma do hemverê zulmî bêveng nêmanê.”

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14’ê hezîrana serra 2018ine de qezaya Pirsûsî ya Rihayî de hêrişî keyeyê Şenyaşarî kerd. Netîceyê hêrişî de mêrde û di lajê Emîne Şenyaşar ameyî qetilkerdiş. Emîne Şenyaşar û lajê ci Ferît Şenyaşar 9ê adara 2021ine de verê Edliyeyê Rihayî dest bi çalakiya "Nobeta Edaletî" kerdî. Çalakîya keyeyî roja 703ine de zî dewam kerd. 

 

Keyeyî derheqê çalakîya serê hesaba xo yê medyaya dîjîtale de no mesaj pare kerd: “Roj roja paştdayîş û têkoşînî yo. Dejê ma giran o, welat binê xirbeyan de yo. Zilm dewam keno, ma bêveng nêmendî, bêveng mêmanenê zî. Ma nê zulmî qebûl nêkenê.”