DÎLOK - Parlamenterê HDPyî şî serdayîşê Zîndanê Tîpê T û Zîndanê Akerde yê Islehiyeyî û derheqê rewşa tepişteyan îdarekarîya zîndanî ra agahî girewtî. 

 

Parlamenterê Partîya Demokratîke ya Şaran (HDP) Muazzez Orhan û Mûrat Çepnî serê waştişê keyeyan, şî serdayîşê Zîndanê Tîpê Tyê Islehîye yê Dîlokî. Keyeyan da zanayîş ke di mudurê hetê Wezaretê Edaletî ra ameyê tayînkerdiş, tedayê tepişteyan kenê. 

 

Îdarekarîya zîndanî ke bi parlamenteran reyde pêvînayîş kerd, îdia kerd ke tu teda tepişteyan rê nêameyo kerdiş. Îdarekarîya zîndanî roja ewilî yê erdlerzî de hetê germbîyayîşî û werdî de problem ciwîyayê la roja diyîn de no problem ameyo çareserkerdiş. 

 

Eynî demî de îdarekarîya zîndanî vat ke erdlerz de zîyan resayo xetê telefonî coka bi rayîrê telefonî xebatkarê zîndanî, hîn tepişteyan bi keyeyanê xo reyde pêvînayîş kerdê. Sewbîna îdarekarî parlamenteran rê neql kerd ke zîndan de 24 tepişteyê sîyasî estê.