ANQARA - Cinîyê tepişteyê yê Zîndanê Cinîyan ê Sîncanî seba mexdûrê erdlerzî paketê hetkarîyî şirawitî.

 

Erdlerzê 6ê Sibate yê Mereşî pê ame de bi des hezaran kesî dinyaya xo bedelnayî. Herêmê erdlerzî ke bi mîlyonan merdimî bê keye mendê, hukmat û sazgehê ci lazimîyê bingehînî yê şarî nêvînenê zî û nê lazimî bi organîzekerdişê pêgirewtişêk pîl pê yenê. Hetkarîya şarê ke hetê dewlete ra yenê astengkerdiş zî seba mexdûran dewam kenê.

 

Tepişteyê Zîndanê Girewteyê Cinîyan ê Sîncanî zî seba paştdayîş bidê mexdûrê erdlerzî, şert û mercê zîndanî de pakêtê hetkarî şirawit.

 

Koliyê ke ci de malzemeyê pakitî, lazimîyê werdî û lazimîyê pitikan ci de estbî, seba şirawitişê herême, teslîmê Merkezê Koordînasyonê Krîzî yê Partîya Demokratîke yê Şaran (HDP) ê Anqarayî kerdî.