MERKEZÊ XEBERAN - Bi des hezaran kesê ke erdlerz de dinyaya xo bedelnayî Bernî de ameyî yadkerdiş. Yadkerdişî de ame vatiş ke berpirsîyarê mergan îqtîdarê AKP û MHPyî yo.

 

Kesê ke erdlerzî de dinyaya xo bedelnayî û Bernî ke paytextê Swîsreyî yê ameyî yadkerdiş.

 

Bundesplatzo ke Meclîsê Federalî yê Swîsre ci de yo, beşdarîyê temsîlkarê xeylêk sazgehê Kurdistanî, Tirkîya, Swîsre û şarê bînî û merdimê kesê ke erdlerz de dinyaya xo bedelnayî, çalakîyêke yadkerdişî ame organîzekerdiş.

 

Hemserekê Merkezê Komelê Kurdî yê Bernî Mûnîr Ayî qiseykerdişê xo de dîyar kerd ke polîtîkayê hukmatê AKP-MHPyî berpirsyarê mergê bi des hezaran o.

 

Parlamenterê Kantona Bernî yê Keskan Haşim Sancar dîyar kerd ke hûmara kesê erdlerzî de dinyaya xo bedelnayî, hûmara fermî zêdeyêr ê.

 

Serê nameyê keyeyê ke merdimê înan dinyaya xo bedelnayî, , Zeynal Mûtlû zî dîyar kerd ke dewleta Tirke pêwa erdlerzê wêrankerde bi rojan mudaxele û hetkarîya herême nêkerd û xeylêk kesî binê xirbeyan de mendî. Zeynal vat, "Rejîmo faşîst ê Erdoganî bi qestî verda şarê ma dinyaya xo bibedelno."

 

Serê nameyê Partîya Çepî Alternatîf, Sazgehê Keyeyê Şehîdan (Komaw), temsîlkarê sazgehê Elewî û komê dostî yê Tamîlî de venga hetkarîya bi rayîrê Heyva Sorî ame kerdiş.