Dîlan Babat - Elfazî Toral

 

MEREŞ - Her kuçeyê qezaya Elbistanê Mereşî de boya cenazeyê ke binê kerreyan de mendê yena. Eynî wextî de qeza de welatijê Sûriyeyîjî dimayê ke hedef ameyî mojnayîş, nêeşkenê konê xo ra vejê.

 

Erdlerzî ra 10 bajarî bi tesîr bî. Bi hezaran welatijan dinyaya xo bedelnayî û bi hezaran welatîjî birîndar bî. Sewbîna bi hezaran kesî zî binê xirbeyan de ameyî veradayîş. Her roja ke derbaz beno tabloyê qiyametî tewr zêde keweno rîyê erdî.

 

Her kuçeyê Elbistanî hema zî welatîjî goreyê îmkananê xo hewl danê ke xo biresnê cenazeyanê xo. Hema zî xebatêke pêroyî nêameya destpêkerdiş, pêwa nê zî welatijê ke Sûriye de hemverê şerî de verê xo dabî Elbistanî nika bi hêrişan reyde rî bi rî yê û nêeşkenê konanê xo ra bivejîyê.

 

Cenazeyî binê xirbeyan de yê…

 

Elbîstan de çend tîmê cigêrayîş û xelisnayîşî vejîyê zî hedî hedî xebatê wedaritişê xirbeyan zî ame destpêkerdiş. Cenazeyê ke binê xirbeyan de mendê, êdî boye danê. Roniştoxê Elbistanî dayî zanayîş ke cenazeyî nika binê xirbeyan de yê û bi îmkananê xo hewl danê ke cenazeyanê xo vejê. Wezîfedarê pakitîyê xirbeyan dîyar kerd ke goreyê îmkananê xo xebate kenê û vat: “Kesê ke îdrekarîya ci bikero çin o. Belê dewlete esta la îdarekarî çin a. Tîmê cigêrayîş û xelisnayîşî tîya çin o. Demo ke ez xirbeyan arêdana cenazeyî vejênê. Çend şansê înan ê cuye bibo zî seba ke erey mudaxale kerdê, kesêk zî cuye de nêmend. Demo ke ma nê xirbeyan arêdanê, ma kontrol kenê gelo cenaze estê yan nê. Wezîfeyê ma nîyo yê AFADî yo la, la AFAD tîya de nîyo.”

 

Hêrişan vera nêeşkenê konan ra bivejî

 

Konêk de 4 keyeyî pîya cuyenî û pêropîya 20 tutî estî. Nê keyeyî hewayo serdin ra tesîr benî la tu çîyêk destê înan ra zî nîno. Bi îmkananê xo kewtî bananê xo yê rijyayeyan û xo rê betanî mînderan vetî. Penaberê ke cuya înan tehluke de ya mîyanê şert û mercanê xiraban de cuyenî. Hamîto 15 serrî dîyar kerd ke hêrişanê nîjadperestîye vera nêeşkenê konan ra bivejî.

 

Cinîyî û tutê ke şerê Sûrîyeye ra koçber bîyî, nika erdlerzî vera hîna zêde mexdur bîyî û hîna zêde cîyakerîyan reyde rî bi rî manenî.

 

Hêrişê nîjadperestîye

 

Babeta bîn ke Elbîstan de vejîya raşte hemwelatîyê Sûrîye yî. Seba ke erdlerzî ra dima sey hedef ameyî mojnayîş û kuyayîş werdî. Sewbîna wextê vilakerdişê de zî cîyakerîyanê girdan cuyayî. Umît Ozdagî ke eslê xo ra şarê Sûrîye ra yo dîyar kerd ke xeylê probleman reyde ameyî rî bi rî û hedef yenê mojnayîş.