MERKEZÊ XEBRRAN - Dimayê erdlerzê 6ê Sibate de bi girdîyê 7.7 Bazarcixê Meraşî de ame meydan de tesîrê xo serê Rojawanê Kurdistanî û Sûrîye de zî kerd. Bi hezaran kesî seba erdlerzî binê şerd û mercê xidarî de têkoşînê cuye danê.

 

Dimayê erdlerzê 6ê Sibate de bi girdîya 7.7 Bazarcixê Meraşî de pê ame dima, tesîrê xo serê Rojawanê Kurdistanî û Sûrîye zî kerd. Temamê Sûrîye de tewr tay 3 hezar û 162 kesî dinyaya xo bedelnayî û 5 hezar 235 zî birîndar bî. Xeylêk awanîyê Şehbayî zî seba hêrişê çeteyanê DAÎŞî xisarêk pîl dîyê. Seba hêrişê dewleta tirke, komê girêdayeyê ci, ablûqakerdişê Hukmatê Şamî ra şar mecbûr maneno ke nê awanîyan de û kampan de têkoşînê cuye bido. Erdlerzî de dêsê awanî rijyayî. Şehba de zî 5 kesî birîndar bî. Mîyanê nînan de zî tutî, cinî yê ke emrê înan pîl o estê. Her reye de zî erdlerzokî tîya tekrar benê.

 

Bi hezaran kesî çadiran de manenê

 

Şêx Meqsûd û Eşrefî zî seba erdlerz pê ame, coka tîya dorê panc hezar kesî derbazê Şehbayî bî û çadiran de manenê. Xeylêk awanîyê Helebî zî zirar dîyî û do bêrê rijnayîş.