ŞIRNEX - Hetkarîyê ke Baroyê Şirnexî û Komeleya Bîsîklet û Xozayî ra ameyî arêdayîş, merkezê  Semsûrî mexdûrê erdlerzî ameyî vilakerdiş. Hetkarî  Kuçeyê Milletî yê Taxa Yûnûs Emreyî şarî rê ame vilakerdiş.

 

Erdlerzê ke Mereş de virazya, tesîr serê Dîlok, Mereş, Amed, Riha, Meletî, Osmaniye, Mêrdîn, Edene, Hatay û Semsûrî kerdî. Her ke şino hûmara kesê ke dinyaya xo bedelnayî zêde benê û hema zî bi hezaran kesî binê xirban de yê. Seba hetkarîya herêma erdlerzî şar  seferber bi.

 

Bi rayberîya Baroyê Şirnexî û Komeleya Bîsîkletan û Xozayî, seba mexdûrê erdlerzê Şirnex, Silopiya û Cizîrî kampanyaya hetkarî ame destpêkerdiş. Hetkarîyê ke çarçewaya kampanyayî de ameyî arêdayîş bi TIRî reyde ver bi Semsûrî ra ameyî şirawitiş. Hetkarê Kuçeyê Milletî yê Taxa Yûnûs Emreyî şarî rê ame vilakerdiş.