MERKEZÊ XEBERAN - Mereş de bi girdîyê 7.4 û Dîlok de zî bi girdîyê 6.5 û 6.4î de pêser erdlerz ame meydan. Erdlerzî tesîrê xo serê xeylêk bajarê sey Amed, Riha, Mêrdîn, Meletî kerd. 

 

Mereş de bi girdîyê 7.4 û Dîlok de zî bi girdîyê 6.5 û 6.4î pêser erd lerz virazya. Erdlerz tesîr xeylêk cayan de kerd. Seba erdlerzî xeylêk awanî rijyayî. Merde û û birîndarî estê.

 

Amed

 

Ame dîyarkerdiş ke qezaya Rezanî ya Amedî de tewr tay se kesî binê xirbêk de mendê.

 

Erdlerzê Bazarcixê Mereşî ke bi girdîyê 7.8ine virazya, tesîr serê xeylêk bajaranê herême kerd. Ame  dîyarkerdiş ke Kuçeyê Barişî yê Taxa Şeyh Şamîlî ya qezaya Rezanî ya Amedî de bînayêke 7-8 qatî xira bîya. Yeno vatiş ke tewr tay se kesî binê xirban de mendê.

 

Xebatê cigêrayîşî û xelisnayîşî dewam kenê.

 

Mêrdîn

 

Seba erdlerzê Bazarcixî, Mêrdîn de zî xeylêk awanî texrîb bî û 2 bînayê mustaqilî xira bî.

 

Mêrdîn de seba erdlerzê Bazarcixî yê Mereşî, xeylêk awanî texrîb bî û 2 bînayê mustaqilî rijyayî. Goreyê agahîyê ke bi dest kewtî dewa Dihê ya qoserî de di awanîyê mustaqil xira bîyê.

 

Sewbîna dêsê hewşê xeylêk bînayan xira bîyo.

 

Ame neqlkerdiş ke seba erdlerzî mektebî ameyî  betalkerdiş. 

 

Riha

 

Riha de seba erdlerzî 16 bînayî rijyayî. Goreyê agahîyê destpêkî 10 kesan dinyaya xo bedelnaye û 110 kes zî birîndar bîyê. 

 

Qezaya Bazarcixê Mereşî de bi girdîyê 7.4 û Dîlokî de zî bi girdîyê 6.5ine di erdlerzî virazyayî. Erdlerzê ke pê dima virazyayî, tesîr xeylêk bajaranê herême kerd. Riha de goreyê agahîyê destpêkî 16 awanî rijyayê û 10 kesê bînî binê xirbe de mendê, dinyaya xo bedelnayê. Ame dîyarkerdiş ke 110 birîndar zî binê xirbe ra ameyê vetiş û xeylêk kesî zî hema binê xirban de yê.