RIHA - Emîne û Ferît Şenyaşar roja 699ine çalakîya Nobata Edaletî dewam kerdî û vatî: “Nê prosesî de lazimîya ma tena bi paştdayîş esta.”

 

Çalakîya Nobeta Edaletî ya keyeyê Şenyaşarî 9ê adara 2021ine de verê Edliyeyê Rihayî de daya destpêkerdiş, roja 699ine de dewam kena. Seba ke peynîya hewte yo edlîye padeyeya, keyeyî çalakîya xo ya ewro, keyeyê xo yê qezaya Pirsûsî de dewam kerd.

 

‘Nê prosesî de lazimîya ma tena bi paştdayîşî esta’

 

Derheqê babete de keyeyî serê hesabê xo yê medyaya dîjîtale nê mesajî pare kerd: “Hêzê dewlete esto ke huqûq, edalet û têduştî pê bîyaro. Parlamenterî, meslegêk nîyo. Do parlamenterî siba xelas bibo û edaletî reyna bêro! Nê prosesî de lazimîya ma tena bi paştdayîşî esta. Ma seba her kesê ke wayîrê na dewaya ma ya merdimayî vejîyayî minetdar ê.”