STENBOL - Tepişteya nêweşe ya giran Ayfer Ayçîçeka ke 15 serrî yo tepişte ya û bi xeylê binpaykerdişanê heqan, îşkence û caardişê tecrîdî reyde rî bi rî menda, pê hêzo ke embazanê x ora gêna xover dana.

 

Ayfer Ayçîçeke serra 2007î de Edene de ameye destbendkerdiş û dima ra ameye tepiştiş. Goreyê dayeyanê Komeleya Heqanê Merdiman (ÎHD) tepişteyê nêweşî yê giranan yê zîndanê Marmaraye ra  yew zî Ayfere ya. Ayfere bi îdîayê ‘endamtîya rêxistine’ ra ameye tepiştiş û 22 serr û 11 aşmî ceza girewte. Nika Zîndanê Tîpa Myî yê Cinîyan yê Gebzeye de yena tepiştiş. Ayfere prosesê tepiştişî de xeylê binpaykerdiş, dersdergê û îşkenceyî reyde rî bi rî mende. Wexto ke newe ameye tepiştiş 8 aşman hucreyê yewkesî de ameye tepiştiş û dima ra zî surgunê zeyle zîndanann ameye kerdiş. La her zîndanî de caardişê cîyayî bi ame ameyî kerdiş.

 

‘Aye rê dewa ameye akerdiş’

 

Ayfere mîyanê şertanê zîndanî de hetê weşîya psîkolojîkî de probleman cuyaye. Wexto ke Ayfere zîndanê Alanya de mendêne sucê ‘zirar daya malê cemawerîye’ derheqê aye de dewa ameye akerdiş. Ayfere binpaykerdişê zîndanan ke problemê weşîye aye de peyda bibî vera nêeşkena îtîraz bikera û cezaya Ayfere donemêk winasî de ame tesdîqkerdiş. Dima ra surgunê zîndanê Cinîyan yê Gebzeye de ameye kerdiş. Ayfer yew aşme û nîme Nêweşxaneyê Cigêrayîş û Perwerdeyî yê Sînîr û Weşîya Ruhî yê Bakirkoyî de ameye dermankerdiş. Tîya de zî xeylê zextê psîkolojîk û îşkenceyî bi aye virazîyayî. Ayfera ke mecbura dermananê xo demek bîn zî bişuxulna nika bi paştîdayîşê embazanê xo yê qawuşî moral û motîvasyonê xo pawena.

 

Dimayê xebera ma derman dayê

 

Ayfere 14 serrî yo tepişte ya 4 serrî yo bi rêk û pêk bi antîdepresanan re çar dermanê bînî yê giranî şuxulnena. Ayfere Temmuza 2022ine de ajansê ma rê neql kerdibi memûrê zîndanî ferz kerdê ke verê çimanê înan de dermanan biwerê. Ayfere dîyar kerdebî seba nê caardişî qebul nêkerda, derman nêdayê û îşkenceyê psîkolojîk ci rê ameyo kerdiş. Sewbîna vatibî seba nê zî di aşmî cezaya dîsîplînî aye rê ameya birnayîş. Dimay xebera ma tedayê rayaumumî awan bi û Ayfere vatibi dermanê ci ameyê dayîş.

 

Bernameyê televîzyonî de hedef ameye mojnayîş

 

Ayfere sewbîna ajansê ma rê neql kerdibi ke bernameyêk televîzyonî yê bi nameyê TRT Worl de nameyê aye eşkera ameyo dayîş û hedef ameya mojnayîş, îşkence û şîşdetê psîkolojîk ci rê ameyo kerdiş. Ayfera seba ke bername bêro wedaritiş, wezîrê edaletî rê mektube nuştebî û cewabê ame dayîş de zî tespît ame waştiş.

 

ATKyî bawer nêkerde

 

Heto bîn ra Ayfere ke 15 serrî yo tepişte ya, dîyar kerd ke seba Sazgehê Tipê Edlî (ATK) raporê adîlane nêdano, qet muracat nêkerda.

 

‘Ma fek erjanê xo ra vera nêdanê’

 

Ayfere 26ê Teşrîna Peyêne 2021ine de ajansê ma rê mesaj şirawit û vat: “Şexsê tepişteyê nêweşan de ser nameyê heme tepişteyê cinî seba hîsgêrîyê şima JINNEWSî sipas kena. Şima vengê ma bidêê eşnawitiş û bibê vengê ma. Ma erjê xo yê pê bawer kenê dewam bikerê, wazenê ma qebûl bikerê û nêkerê. Heta eşkenê wa tecrîdê giran pê bîyarê. Ma fek rastîyan ra vera nêdanê.”

 

Têkoşînê jiyanê de bi biryar e

 

Ayfere pêwa heme şert û mercê giranî yê zîndanî pêwa tesîrê pîlî yê dermanan ê serê bedenê aye, paştdayîşê embazanê xo têkoşînê xo yê cuye dewam kena.