AMED - Pêwa ke Rojnamegere Bêrîtan Canozere dîyar kerd ke parekerdişê serê medyaya dîjîtale de yê hîn hesabê ke aîdî aye nîyê zî nê çî dadgehe îkna nêkerd.

 

Roniştişê qerarî yê dewaya bi iddiayê "bi rayîrê çapemenîye propagandayê rêxistine" muxabîra ma Bêrîtan Canozere rê amebi akerdiş, 4ine Dadgeha Cezaya Giran de ameye vînayîş. Dadgehe seba parekerdişê hesabê medyaya dîjîtale ê aîdî Bêrîtane yê serrêke, des aşmî û 15 rojî ceza birna. Seba hesabê medyaya dîjîtale ê aîdî Rojnamegere Bêritan Sarya zî serrêke û hîrê aşmî cezaya zîndanî da.

 

Dadgehe sebebê qerarî yê derheqê Bêrîtane de eşkera kerd. 

 

Bêrîtane her çiqas îfade kerd ke hesabê Bêrîtan Sarya aîdî aye nîyo zî reyna seba parekerdişê nê hesabî ceza seba Bêrîtane ame birnayîş.

 

Sewbîna qerar de dadgehe ca da parekerdişê hesabê medyaya dîjîtale ê bi nameyê "umut_hevi__" ke aîdê Bêrîtane nêbi zî.