RIHA - Çalakîya "Nobeta Edaletî" ya Keyeyê Şenyaşarî roja 640ine de dewam kena. Çalakîya ewro de keye reaksîyon vera Wezaretê Edaletî mojna û vat: “Wezaretê Edaletî ke vatêne berê edliyeyî berê edaletî ça de yê?” 

 

Merdim û pawitoxê Parlamenterê AKPyî yê Rihayî Îbrahîm Halîl Yildiz, 14ê hezîrana serra 2018ine de hêrişê Keyeyî Şenyaşarî kerd û netîce de mêrde û 2 lajê dayîka Emîne Şenyaşare ameyî qetilkerdiş. Emîne Şenyaşar û lajê xo Ferît Şenyaşar ke qirkerdiş de bi birîndarî xelas bîbî, 9ê adara serra 2021ine de vernîya Edliyeyê Rihayî de dest bi çalakîya Nobeta Edaletî kerdebî. Çalakîya keyeyî roja 640ine de dewam kerd. Emîne û Ferît Şenyaşar vernîya edlîyeyî de dest bi nobete kerdî.

 

Keyeyî ke çalakîya xo bi dovîzê ser de “Edalet” ameyo nuştiş dewam keno, serê hesabê xo yê medyaya dijîtale de nê mesajî pare kerd û vat: “Gelo Wezaretê Edaletî ke vatêne berê edliyeyan berê edaletî yê ça de yê… Bi 640 rojî yo dayîkêke seba ke edalet bi ca bêro berê Qesra Edaletî yê Rihayî de vindena.