ANQARA - Kesê ke waştibî bi rojnamegera tepişteye Zîndanê Cinîyan ê Sîncanî de ya Oznûr Degere reyde pêvînayîş bikerê bi bahaneyê "tehlukeyî” lîsteyê pêvînayîşî ra ameyî vetiş.

 

Çarçewaya cipersayîşê ke hetê Serdozgerîya Komare ya Anqara ra ame destpêkerdiş de 25ê Teşrîna Peyêne de erzîyabi serê keyeyê rojnamegeran û xeylêk rojnamegerî amebî destbendkerdiş. Rojnamegerê ke ameyî destbendkerdiş 9 kesî 29ê Teşrîna Verêne de ameyî tepiştiş. Oznur Degera ke a zî mîyanê rojnamegerê ameyî tepiştiş de ca gêna, seba pêvînayîşê çend nameyê lîsteyê xo yê pêvînayîşî nuştibî. La nê kesan ra hîn bi bahaneyê “tehlukeyî” listeya pêvînayîşî ra ameyî vetiş.

 

Oznûre na xebera demo ke bi telefon keyeyê xo reyde qisey kerd, neql kerd. Oznûre dîyar kerd ke do derheqê babete de îdarekarîyê zîndanî rê waştiname nuşta la tu cewab aye rê nêameyo dayîş.