MERKEZÊ XEBERAN - Serewedarnayîşê Rojhelatê Kurdistan û Îranî dewam keno. Hemverê serewedarnayîşî şîdet û hêrişê rejîmê Îranî zî dewam keno. 

 

Rejîmê Îranî seba îfadedayîşî vengda hunermendê ke paştî dayî serewedarnayîşî cinîya kurde Jîna Emînî (22) Tehran de hetê polîsanê exlaqî yê Îranî ra seba ke gijikê ci asayêne 13ê êlule de ameye îşkencekerdene û 16ê êlule de zî dinyaya xo bedilnaye. 16ê êlule qetilkerdişê Jîna Emînî ra nata şarê Rojhelatê Kurdistan û Îranî payan ser de yê. Hunermend, aktor û sporcîyî heta nika komel mîyan de paştî dayî serewedarnayîşî. Hêzê rejîmî tewr peynî veng dayî hunermend û aktoran ke seba serewedarnayîşî eşkerayîyaya paştîdayîşî dabî. Kişta nê de teda û tehdîtê hemverê xoverdayoxan dewam keno û yeno vatiş ke heta nika xeylê kesî ameyî destbendkerdene.

 

Hunermendan tepişenê

 

Di aktîvîstê muhîmî yê sînemayê Îranî ra Shaqaeq Dehghan û Elnaz Chakradooste ke eşkerayî de ê zî ca girewtbî seba îfadedayîşî ameyî vengdayîş ke şêrî serdozgerîya komerî yê Evînî. Endamê komîsyonê taqîpkerdişî ra yew dîyar kerd ke serewedarnayîşan de 40 ra zêde rejîsorê dîmenan ameyî destbendkerdene. 

 

Çalakîya grevî

 

Seba paştîdayîşê serewedarnayîşî esnaf û şar bajarê Rojhelatê Kurdistan û Îranî de greve vêşanîye de yo. Bajarê Kerman, Sistan ve Belucistan, Bandar Abbas, Arak, Kazerun, Gilan, Şîrazî ra bigêr heta bajarê bînan yê Îranî esnafî kepenganê dikananê xo nêakerdî. Esnafan hemverê teda û qetlîyamo ke bi serran o dewam keno de nêrazîbîyayîşanê xo nişan dayî.