KOCAELÎ- Şadîye Manapa Zîndanê Cinîyan ê Gebzeyî de dimayê 30 serrî ra dima ameye tehlîyekerdiş, ameye tepiştiş.

 

Şadîye Manapa ke serra 1992ine de Riha de ameye destbendkerdiş û Dadgeha Asayîşî ya Dewlete (DGM) ya Amedî de ameye muhakemekerdene, cezaya zîndanî ci rê ameye birnayene. Şadîyeya ke demo ke amebî tepiştene 24 serrî bîye, goreyê rêze zîndananê Riha, Mîdyat û tewr peyîn zî Zîndanê Cinîyan ê Gebzayî de ameyîne tepiştene. Zîndan de xeylêk rey ameye îşkencekerdene û dimayê 30 serran 1ê kanûne de ameye veradayene.

 

Şadîye Manap 1ê kanûne de Zîndanê Qefilnayeyî yê Cinîyan ê Gebze ra ameye tehlîyekerdene.  La hema zîndanî ra nêvejîyayebî ke reyna ameye destbenderdene. Şadîye rîyê dosyaya ke derheqê ci de serra 2020î de ameya akerdene de 4 rojî nezarat de mend. Şadîye Manap 5 kanûne de sewqê Edlîyeya Kocaelî bîye.

 

Şadîye ke vejîyaye Dadgerîya Sulh Ceza bi îdîaya “endamîya rêxistene” ameye tepiştene û şawîyaye Zîndanê Kandira.