Marta Somek

 

STENBOL - 22 welatan ra 350 avûkatî seba wedarnayîşê tecrîdê serê Rayberê PKKyî Abdullah Ocalanî peynî bibo mektube şirawitî wezîrîya edaletî rê. Mîchela Arrîcale ke aye zî mîyanê ci de ca gêna da zanayîş ke hema cewabêk nêdîyayo muracatê înan û fikrê Ocalanî nêeşkenê bêrî tecrîdkerdiş.

 

Rayberê PKKyî Abdullah Ocalan 1999î ra nata Girawa Îmrali de bine tecrîdî de yeno tepiştiş. Abdullah Ocalan û tepişteyê binî Omer Hayrî Konar, Veysî Aktaş û Hamîlî Yildirimî yê ke ê zî Girava Îmrali de yenê tecrîdkerdiş ra zî 20 aşmî yo xebere nîna girewtiş. Pêvînayîşê avûkatanê Abdullah Ocalan û tepişteyanê bînan bi bahaneyê qedexeyê pêvînayîşê avûkatan yê 6 aşman û pêvînayîşê keyeyan zî bi bahaneye cezaya dîsîplînî yê hirê aşman ke mehkemaya înfazî ya Bursa dabî yeno astengkerdiş. 

 

Cevabê mektuba 350 avûkatan nêdîyeno

 

Vera pêro muracatanê ke yenê kerdiş pêvînayîş nîno kerdiş. 22 welatan ra 350 avûkatî seba wedarnayîşê tecrîdê serê Rayberê PKKyî Abdullah Ocalanî peynî bibo mektube şirawitî wezîrîya edaletî rê û mektube Brukselê Belçîka de bi eşkerayîyêk çapemenî rayaumûmî rê ame parekerdiş. La seba mektube ne cewabêk pozîtîf ne zî negatif nêdîyayo.

 

Hemsereka Koma Mudaxaleya Huqûqî ya Mîyanneteweyî/Merkezê Cigêrayîşî serê Demokrasîye (CRED/GIGI) Mîcleha Arrîcela ke aye zî îmze eştbî mektube ajansê ma rê qisey kerd.

 

‘Fikrê Ocalanî nînê tecrîdkerdiş’ 

 

Mîchela da zanayîş ke Abdullah Ocalan mîyanê şertanê teberê merdimîye de cuyeno û meşru nîyo. Mîchela ard ziwan ke vera heme polîtîkayanê dewlete Abdullah Ocalan nîno tecrîdkerdiş û wina vat: “Tayyîp Erdogan, Abdullah Ocalanî ra terseno. Her çî wina mojneno. Ocalan hemverê hegemonyaya xo tehlukeyêk gird vîneno. Coka ra tecrîd keno. Bêşik tu eleqeya ci bi huqûqê dewlete ya zî heqan çin o. Ocalan tepişteyo sîyasî yo, coka ra tebere qanûnî de yeno verdayîş.”

 

‘Fikrê Ocalanî ra tersenê’

 

Mîchela dewamê qiseykerdişê xo de wina vat: “Ma qala terse Erdoganî kenê. La Erdogan fîgurê Ocalanî ra wetayêr fikr û felsefeya ci ra terseno. Îqtîdar nêwazeno Rayberê PKKyî Abdullah Ocalan teberî reyde têkilî rono. Çike vatişê ci xeylê tesîr virazenê. Ameyox xêz kenê. Wezîrîya Edaletî seba muracatê avûkatanê Ewropayî tu cewabêk nêda. Waştişê ma hetê huqûqî de waştişêkê meşru yo. La qerarê ke derheqê babeta Ocalanî de yenê dayîş qanûnî nîyê. Tu hetêk qanûnî yê nê caaradişanê serê Ocalanî çin o.”

 

‘Raşteyê mîyanneteweyî tecîrîdî nêvîneno’

 

Mîchela qiseykerdişê xo yê peyênan de dîyar kerd ke rayaumûmî ya mîyanneteweyî tecrîdê serê Abdullah Ocalanî nêvînayîşî ra yeno û wina vat: “Nizdîbîyayîşê rayaumûmî yê mîyanneteweyî yê hemverê Ocalanî nakokîyêk gird mojneno. Raşteyê mîyanneteweyî heqê merdimîye de her tim cepheyê aver de ca gênê, heta seba ci pêroyê dinya de şer danê deestpêkerdiş la çi heyfo ke hemverê binpaykerdişê heqî de vengê xo nêkenê. Vengê azadkerdişê Ocalanî goreyê mi vengê aştîye ra cîya nîyo. Goreyê mi azadkerdişê fîzîkî yê Abdullah Ocalanî do aştî pê bîyaro”.