RIHA - Roja 635ine ê Nobeda Edaletî ya Emîne û Ferît Şenyaşar de ame vatiş: “Zîhnîyetê ke edaletî nêvîno, vînî bikero."

 

Çalakîya Nobeta Edaletî ya Keyeyê Şenyaşarî 9ê adara 2021ine de verê Edliyeyê Rihayî de dayê destpêkerdiş roja 635ine de dewam kerd. Keyeyî banê xo yê qezaya Pirsûsî ra ame verê edliye û dest bi nobete kerd. 

 

Ferît Şenyaşar bale ant serê mîtîngê do Serekkomarê AKPyî Tayyip Erdogan bajar de virazno û vat: “Do AKP bajarê ma de mîtîng virazno û venga şarî bikero. Dayîkêke zî verê berê edliye de hêvîya edaletî ya. Şarê Rihayî qîrayîşê na dayîke eşnaweno û taqîb keno. Tîya de heqîqetêk esto. Her kesê ke nê heqîqetî nêvîneno û şêro mîtîng beno hemparê nê zulmî. Heta no zulm nêqedîyo, zihniyetê nê bêedaletî nêvîno do Riha û Tirkîya de vînî bikero.”