WAN - Zîndanê Asayîşê Berzî yê Hûmara Yewî ya  Dumlu de zîndan de hemverê binpaykerdişê heqan odayê yew hucreyî de doragêrayîşî dest bi grevê vêşanîye kerdî. Yew nînan tepişteyan ra Emrah Yakut o. Dayîka ey Sabîha Yakut da zanayîş ke ganî şert û mercê tepişteyan bêrê rastkerdiş û venga hîsgêrî kerd.

 

Tecrîdê serê Rayberê PKKyî Abdullah Ocalan her ke şino giran beno û tecrîd tesîrê serê heme zîndanan de kerdo. Yew zîndanê ke roj bi roje binpaykerdişê heqan ci zêde beno, zîndanê Tîpê S yo. Tepişteyî bi polîtîka îzolasyonî yê newe ra yenê rî bi rî. Yew nê zîndanan ra ke nê polîtîkayî ci de zîndanê Asayîşê Berzî yê Hûmara Yew ê Dumlu yê Erziromî yo.

 

Tepişteyan pêvînayîşê bi avûkatan û keyeyê xo rê  binpaykerdişê heqan yê ciwîyenê, neql kerd.

 

Tepişteyî roşnayîya roje bêpar yenê verdayîş

 

Goreyê vatişê tepişteyan paceyê hucreyan bi têlan ameyî pêşnayîş û merdim nêeşkeno nê têlan rê engiştanê xo zî vajo. Tepişteyî neql kerdî ke roşnîya roje zî bêpar ê û seba nê caardişî 8ê teşrîna peyêne de bi doragêrayîş dest bi grevê vêşanî kerdê.

 

Şertî her ke şinê giran benê

 

Yew tepişteyo zîndanê Asayîşê Berzî yê Hûmara Yew ê Dumlu yê Erziromî maneno Emrah Yakut o û hîrê serrî yo hucreyê yew kesî de yeno tepiştiş. Emrah Yakut 18ê temmuze de merdimê xo rê vatibi gardiyan û îdareyê zîndanî tehdîdê merdişî ci rê kerdo. Merdimê ey seba Emrah Yakut venga rayaumûmî û sazgehê derheqî ke bikewê tevger. La pêwa hende dem derbaz bîyo zî tu vurnayîşêk zîndanî nêame ciwîyayîş û eksê nê her ke şi giran bi.

 

‘Bi sirgunan tutanê ma ma ra dûr fînenê’

 

Sabîha Yakut derheqê pêvînayîşê telefonî de qisey kerd û vat Emrah 3 serrî yo tepişte yo û vat: “Emrah zîndan de Asayîşê Berzî yê Wanî berdî zîndanê Dumlu. Sebbeê surgunî o bi ke têkiliyê ma tutanê ma ra bibirnê. Hewl danê heme tepişteyan keyeyan ra  dur bifînê. Seba nê surgunî cayê bînî kenê. Îmkanê mi çin o ez şêrî lajê xo bivînî. Rayîr 6 saete yo. 6 saete zî agêrayîş.”

 

Sabîha dîyar kerd ke seba lajê ci reyna bîyarê Wanî xeylêk rayan waştişname dayê la tu cewabî nêameyî dayîş û wina vat: “Ez tewrê Nobeta Edeletî bîya. Ez seba heme tepişteyan şina nobete. Ez o heta peynî zî şêrî. Ez seba edelet bi ca bêro şêrî.”

 

‘Ganî tu kes bêveng nêmano’

 

Sabîha bale ant serê tecrîdê serê tepişteyan û wina dewam kerd: “Ganî kes hemverê tecrîdî de bêveng nêmano. Pêvînayîşê telefonî zaf kilm ê. Emrah telefon keno heta ma yewbînan pers kenê, telefon rîyê ma de yeno girewtiş. Ma şinê pêvînayîş 10,20 deqe dima qedêno. Hende rayîr şina la lajê xo baş nêvînena.”

 

Venga hîsgêrî

 

Sabîha sewbîna venga hîsgêrî kerd û wina vat: “Heta no bêedaletî bibo, heta no tecrîd serê tutanê ma dewam bikero ez o têkoşînê xo dewam bikerî.”