AMED - Încî Gulere çalakîya Nobeta Edaletî ya merdimê tepişteyan de qisey kerd û vat:  “Berpirsîyarê nê zilmî Serekomar û Wezîrê Edaletî yê.”

 

Nobeta Edaletî ya merdimanê tepişteyanê nêweşan û tepişteyanê ke înfazê înan ameyo vêşnayîş serbest bêr veradayîş yê verê ATKyî dewam kena. TUAY-DER, MEBYA-DER, MED-DER tewrê çalakîye bîyî.  

 

'Do zîndan û teber de serewedarnayîş dewam bikero’

 

Încî Gulere çalakîya Nobeta Edaletî ya merdimê tepişteyan de qisey kerd û wina vat: “Berpirsîyarê nê zilmî Serekomar û Wezîrê Edaletî yê. Zîndanan de tepişteyê ke rewşa weşîya înan zaf xirab a estî. Ne partîyê sîyasî ne zî dezgehê cemawerî na babete bi wijdanî tênêgêrenî. La ma înan rê vanê ke ‘ewro ma yî siba şima yî’. Wa tepişteyê nêweşî serbest bêrî veradayîş. Do zîndan û teber de serewedarnayîş dewam bikero.”

 

Çalakî bi sloganê "Heq, huqûq, edalet","Bicuyo xoverdayîşê zîndanan" peynî bî.