ANQARA - Rojnamegerê cinî yê tepişteyî dayî zanayîş ke tepiştişê rojnamegeran û nêçareserkerdişê meseleyê kurdî ê bi destê AKP-MHPyî pîya girêdayeyo û wina vatî: “Ma do tu wext sereyê xo nêdê ro. Ê do nêeşkê ma bêveng bikerê."

 

Çarçewaya cipersayîşê merkezê ci Anqara bi, 25ê Teşrîna Peyêne de rojnamegerî bi îşkence ameyî destbendkerdiş û 29ê Teşrîna Peyêne de zî 9 rojnamegerî ameyî tepiştiş. Muxabîra ma Habibe Eren û Oznur Deger, sewbîna Mudura Karê Nuşteyî ya Ajansê Mezopotamyayî (MA) Diren Yurtsever û muxabîra MAyî Berivan Altan û Ceylan Şahinli zî na çarçewa de ameyî tepiştiş. Rojnamegerê cinî yê tepişteyî Zîndanê Cinîyan ê Sincanî ra mesajê xo şawitî.

 

'Ganî vengê komelî bêro berzkerdiş’

 

Habîbe Eren dîyar kerd ke tepiştişê 29ê Teşrîna Verêne yê rojnamegeran mesajêkê sembolîk hewêneno û wina vat: “Dimayê hewldayîşê darbeyê 15ê Temmuza 2016ine demê OHALî de JINHA û DÎHA zî mîyan de xeylêk sazgehê çapemenîye bi KHKyî ameyî padayîş. No tedayê ke her serdemî de vejêno vernî, tena hetêkê eleqedar nêkeno. Tena bi îtirazkerdişê hetêkê zî sînordar nîyo. Coka ganî her hetê komelî hemverê nê tedayan wurzê û vengê xo berz bikerê.”

 

Diren Yurtsever: Ma tu wext sereyê xo nêdanê ro’

 

Diren Yurtsever da zanayîş ke tu wext sereyê xo nêdanê ro û vat: “Ma vatişê, ma rojnameger ê rincan bî labelê ma seba kerdişê meslegê rojnamegerî rincan nêbî. Ma rojnamegerî taqîbkerdoxê adetê çapemenîya azad, game peyser nêerzê û ma do azadîya çapemenîye bipawê û ma do seba nê têkoşînê xo dewam bikerê. Her kesê ke ameyoxêkê adîl, azad û têduşt wazeno ganî çapemenîya azad bipawê.”

 

'Kîn û hêrso bîyaye hemverê rojnamegerî û nasnameyê kurdan o'

 

Ceylan Şahinli zî dîyar kerd ke ê zanê nê hêrişî hemverê nasnameyê şarê kurdî yo û vat: "Teber de ma nêeşkenê bidê vindartiş coka wazenê zere de ma terbîye bikerê. Labelê ma do bêveng nêbê.”

 

‘Sereyê mi berz o mi karê xo kerdo’

 

Berîvan altan zî dîyar kerd ke înan waşto sereyê aye war bikerê la sereyê xo nêdaya ro û vat ke hêrişê hemverê înan parçeyêkê hêrişê serê çapemenîye yê serranê 90an ra nata yê û Berîvane nê mesajî pare kerd: “Çiqas ke xo pîl kerdî zî bi rastîya ke sereyê xo nêdayê ro rî bi rî mendî. Ma sey vengê şarê Kurdî, Elewî û heme kesê ke bi cîyakerdişî reyde rî bi rî mendî ma vat ke ma hemverê polîtîkayanê şima sereyê xo nêdanê ro û ma soz danê ke pêro wareyan de karê xo dewam bikerê. Eşkenê ma bikerê mîyanê çar dêsan la do qelema nêeşkê vindarnê.”

 

Oznûr Deger: Ma mîrasê Gurbetellî rê wayîr vejênê

 

Oznûr Deger zî vat ke prosesê weçînayîşî de tepiştişê 9 rojnamegeran parçeyêke kaosê welat de yeno ciwîyayîş o û vat: "Mîzansenêke ke 25ê Teşrîna Peyêne de bi fermanê îqtîdaro ke Emniyetê Anqara zî bi hemkarê ci ame kaykerdiş. La dimayê  tepiştişê ma berzkerdişê sloganê, 'Çapemenîya azad nîna bêvengkerdiş’ mîzansenê ame xêzkerdiş veng ame vetiş. Reyke bîn ame vînayîş ke vengê çapemenîye bi kelemçe nîno birnayîş. Ma do wayîrê mîrasê çapemenîya azada ke ma Apê Musa û Gurbetellî ra dewr girewt, vejîyê.”