ANQARA - Serdozgerîya Komarî ya Anqara tehqîqato ke derheqê Sereka Konseya Merkezî ya Yewîya Tabîbanê Tirkan (TTB) Şebnem Korur Fîncanciye de dabî destpêkerdiş temam kerd.

 

Sereka Konseya Merkezî ya TTByî Şebneme seba ke waştbî hêrişê kîmyewîyî yê Tirkîya ke herêmanê Zap, Metîna û Avaşînî de şixulnaya bêrî cigêrayîşkerdiş, 27ê teşrîna verêne de amebî tepiştene.

 

Îdîanameyo ke ame hadrekerdiş de ame îdîakerdiş ke Şebneme ‘propagandaya rêxistine’ kerda û coka ra aye rê 7 serr û 6 aşmî cezaya zîndanî ameye waştiş.