ANQARA - Sosyologa Îranî Sara Baheriirada ke panelê 25ê Teşrîna Peyêne ya Anqara de qisey kerd wina vat: “Cinî hemverê Îdeolojîyê dewlete de vejîyenî.”

 

Merkezê Heqê Cinîyan yê Baroyê Anqara û Merkezê Gelincilî yê Baroyê Anqara pîya çarçewaya 25ê Teşrîna Peyêne Roja Têkoşînê Vera Şîdetê Serê Cinîyan de panelêke viraştî. Panel salona konferansî ya Merkezê Perwerdeyî ya Anqara de ame viraştiş. Rêsixtina Komelê Sîvîl tewrê panelî bî.

 

Cinîyan panel de da zanayîş ke cinîyî tebere sîyasetî de yenê verdayîş û vatî ke ganî heme bibî muxalefet û kişta cinîyê Îranî de ca bigêrî. Sosyologa Îranî Sara Baheriirade vat: “Cinî hemverê Îdeolojîyê dewlete de vejîyenî.”

 

Zextê serê rojnamegeranê JINNEWS û MAyî ameyî vîrvistiş

 

Roniştişê yewine yê panelî de persê goşdarîkerdoxan dewam kerdî. Cinîyî bale antî zextê serê têkoşînê cinîyan ser û zextê serê rojnamegeranê JINNEWS û MAyî ameyî vîrvistiş.