MERKEZÊ XEBERAN- Dewleta Tirke bêmabên bombardûmanê serê bi desan dewî û bajaranê Rojhelat û Vakurê Sûrîye keno.

 

Dewleta tirke 19ê teşrîna peyêne ra nata Rojawanê Kurdistanî dana bombayan ver. Her saete sivîl û binawanîye hetê dewleta tirke ra dîyenê bombayan ver. Dewleta tirke bêmabên bi desan dew û şaristanan kena hedef. Dewê Siwidikê û Alîaxayî yê Dêrikî şewe dîyaye bombayan ver.

 

Til Temir: Til Temir de noqtaya hempare ya HSD û Rûsya bîye hedefê bombardumanî. Yeno vatene ke birîndar û şehîdî est ê. Heman noqta de wexto ke birîndarî ameyêne berdene reyna hêriş ame kerdene û 2 şerwanê bînî yê HSDyî birîndar bîyî.

 

Binawanîya Qamişloyî dîyaye bombayan ver û yeno vatene ke birîndarî est ê. Dewa Himoyî ya Qamişloyî û dewa Til Zîwanî ya herême 12.30 de dîyayî bombayan ver. Bajarekê Rimêlanî de zî têgêrayîşê leşkerî est bîyî.

 

Tirbêsipîyê de hêriş

 

Depoyê genimî û dewa Şelhomî dîyayî bombayan ver, dima têgêrayîşê hewayî dewam kerd. Warê petrolî yê Ewda zî reyna dîya bombayan ver û serê sibayî hîrê reyî war dîya bombayan ver.

 

Îstasyonê Petrolî ame bombavarankerdiş

 

Dewê Til Hemdûnî yê Amûdê, deweka Ezedîn Çolî dîyayî bombayan ver. Dewa Elî Axayî ya Til Koçerî 4 reyî dîyayî bombayan ver. Yeno vatene ke hêrişî ra birîndarî est ê. Îstasyonê Petrolî yê Dîcle yê dewa Girhokî dîya bombayan ver.

 

Mîyanê 24 saetanê peyênan de tewr tay hezar û 300 topî, obus û tankî kewtî Efrîn. Îşxalkeran Kantonê Şehba de 14 herêmî, Şera de 7 herêmî, Şêrawa de 5 herêmî dayî bombayan ver.

 

Cayê ke dîyayî bombayan ver:

 

Kantonê Şehbayê: Semûqa, Til Medîq, Til Cîcan, Medûnê, Til Enab, Şêx Îsa, Balafirgeha Minixê, Bendava Şehbayê, Bêlûniyê, Til Rifet, Werdiyê, Sealê, Kefer Naya û Eyn Deqnê.

 

Şera: Gundên Merenaz, Malikiyê, Şewarxa, Til Ecar, Elqemiyê, Îrşadiyê û Tat Maraşê.

 

Şêrawa: Gundên Meyasê, Bênê, Aqîbê û Bir Qas û daristana Soxanekê.

 

Şehba de hêrişî dewam kenê

 

Saete 08.40 de Til Medîq û Til Cîcanî û awbendê Şehba dîyayî bombayan ver. Tewr tay 30 topî kewtî herême. 12.30 de dewê Xirnêta, Hesecê û Samuqa yê Şehba dîyayî bombayan ver. Saete 10.30 de hêrişan dest pêkerd û bi taybetî taxa Sînaa ameye hedefkerdene.

 

Kobanê yeno bombavarankerdiş

 

Eynî wextî de dewa Xirab Etoyî bi giranî dîyena bombayan ver.