AMED - DFG û MKGPyî, qetilkerdişê rojnamegerê ANHAyî Îslam Ebdûllah protesto kerdî.

 

Komeleya Rojnamegeran ê Dîcle Firatî (DFG) û Palatformê Rojnamegeranê Cinîyan ê Mezopotamyayî (MKGP), seba vîrardişê muxabîrê ANHAyî yê Dêrikî Îsam Ebdullah ke hêrişê hewayîyê dewleta Tirke de dinyaya xo bedelnaye, verê bînaya DFGyî de bi beşdarîya rojnamegeran waştî eşkerayîye bidê. Xeylêk rojnamegeran waşt ke tewrê eşkerayîye bibê. La polîsan kuçeyê Hunerî ke do eşkerayîye ci de biameyîne dayîş, kerdî binê abluka. Sewbîna rojnamegerê ke waştî antiş bikerê, vernîya înan hetê polîsan û wesayîtê zirxî yê polîsan ra ame padayîş.

 

‘Ma nê qerarî şermizar kenê’

 

Polîsan qedexeyê walîyî sey sebeb mojna û destûr nêdayî ke rojnamegerî bîna ra vejîyê. Hemsereka DFGyî Dîcle Muftuoglu zî cayê ke ameyî astengkerdiş de nê çî vat: “Ma zere de eşkerayîye nêdanê û ma nê caardişî şermezar kenê. La wa bizanê ke çapemenîya azade zî binê tu şert û mercan de bêveng nêmanena. Heqê rojnamegerîye û neqlkerdişî nêeşkeno bêro astengkerdiş. Ma nê qerarî protesto kenê.”

 

Dimayê qiseykerdişê ke ame kerdiş, rojnamegerî vila bî.