ÎZMÎR – Derheqê avûkate Aryen Tûrane endama OHDyî ke seba qiseykerdişê xo yê kongreya Baroyê Îzmîrî de amebî destbendkerdiş û ameye veradayîş de îdianame ame amadekerdiş.

 

Parêzer Aryen Tûran endama Komeleya Huqûqnasê seba Azadîye (OHD) ê Şubeyê Îzmîrî, kongreya Baroyê Îzmîrî de derheqê şuxilnayîşê çekanê kîmyewîyan û qetilkerdişê Jîna Emînî û binpaykerdişê zîndanan de qisey kerdebî. Dima ra hedef ameye mojnayîş û serê fermana Serdozgerîya Komare ya Îzmîrî de amebî destbendkerdiş û dimayê ke îfade dabî, amebî veradayîş. Serdozgerîye seba qiseykerdişê Aryene bi îdiaya “endamîya rêxistine” îdianame amade kerd. 

 

Îdianame hetê 18ine Dadgeha Cezaya Giran ya Îzmîrî ame qebulkerdiş û roniştişê ewil ê dewa do 16ê sibata 2023ine de bêro kerdiş.