ŞEHBA - Hemverê hêrişê dewleta tirke yê seranserê herêmanê Vakur û Rojhelatê Sûrîye de welatijê Efrîn û Şehba herikyayî raşteyan.

 

Îdarekarîya Xoserîya Demokratîke ya Herêma Efrînî bi sloganê, "Dewleta tirke terorî kena û paştdayîş dana” Îdarekarîya Xoserîya Demokratîke ya herêma Efrînî rayîrraşîyayîşêk adetî kantonê Şehbayî de organîze kerd. Rayîr ra şîyayîş de bi seyan welatijê Efrîn û Şehbayî beşdarê rayîr ra şîyayîşî bî. Rayîr ra şîyayîş mektebê Mûşatî yê Fafînî yê Şehbayî ra heta raşteyê Ajovaniyî yê qeza de bi berzkerdişê fotografê ke qirkerdişî yê dewleta tirke kerda û bi sloganan dewam kerd.

 

'Vindertişê şarî planê dişminî beno'

 

Dimayê ke çalakîkerî resayî raşte vindertî. Dima ra Hemserekê Meclîsê Îdarekarî yê Herêma Efrînî Bekir Elo qisey kerd û vat: "Dewleta tirke bi serkêşîyê AKP-MHPyî de seserra 21ine de xeylêk hewil da ke bi rayîrê hêrişî derbazê herra Rojawanî biba û do îşxal bikera. Netîceyê xoverdayîşê şaran, pêgirewtiş û vindertişê şaran de dewleta tirke nêresa amancê xo. Ma do tu wext hewn û xeyalê înan bi ca nîyarê seba ke şar bi fikir û felsefeyê Neteweyê Demokratîke têgêreno û xo bi rêxistin kerdo. Ma hêrişê ke seranserê herêmanê Vakur û Rojhelatê Sûrîye kenê hedefê xo şermizar kenê."

 

Rayîr ra şîyayîş bi sloganê, "Biciwîyo xoverdayîşê Rojawanî" peynî bi.