AMED - 25ine Kombîyayîşê Stargehê Cinîyan û Merkezê Şêwirmendî ke Otela Green Parkî ya Sûrî de ame organîzekerdiş, Jîna Emînî û Nagihan Akarsele yê ke ameyî qetilkerdiş, ameyî yadkerdiş. Dimayê yadkerdişî komxebate de vengê sloganê, “jin, jiyan, azadî” berz bî.

 

25ine Kombîyayîşê Stargehê Cinîyan û Merkezê Şêwirmendî yê Amedî ame destpêkerdiş. Kombîyayîşê ke do heta 14ê Teşrîna Peyêne dewam bikero. Kombîyayîşê ke bi hemkarîya Komeleya Cinîyan a Rosa û Wexfê Mor Çatiyî yeno organîzekerdiş, pêwa akademîsyen, rêxistinê cinîyan û aktîvîstê ke ca gênê bi pêroyî 300 cinî tewr bî. Kombîyayîş de serê babetê sey; keye, şîdetê cinsî, sûcê hemverê tutan, polîtîkayê şerê taybetî, resayîşê edaletî yê cinî û tutan û xeylêk babetê bînî do munaqeşe bêrê kerdiş. Kombîyayîş Otela Green Parkî ya qezaya Sûrî ya Amedî yeno kerdiş.

 

Jîna Emînî û Nagihan Akarsele ameyî yadkerdiş

 

Qiseykerdişê destpêkî yê kombîyayîşî hetê Sereka Komeleya Cinîyan a Rosa Adalet Kaya ra ame kerdiş. Adalete, destpêk de serê nameyê cinîyanê kurdan de heme cinî tewrê kombîyayîşî bî silam kerd û vat: “Ma  hêvî kenê ke no 25ine kombîyayîşê ma têkoşînê ma hîra bikero. Ma reyke bîn vanê, ‘jin, jiyan, azadî.’ Bi taybetî Îran de serewedaritişê cinîyan ke dest pêkerdo, silam kenê. Ez vernîya ke dest bi qiseykerdişî bikerî, Jîna Amînî û Nagîhan Akarsele yad kena.

 

‘Têkoşînê cinî bi serewedaritişêkê pîl dewam keno’

 

Adalete, dewam de dîyar kerd ke dinya û welat polîtîkayê şîdetî xeylêk zêde bîyê û wina dewam kerd: “Bi fesihkerdişê Peymana Stenbolî dir hêrişê xo zêde kerdî. La pêwa nê heme hêrişan rêxistinê cinîyan, komele û cinîyê fêmînîstî têkoşînêkê pîl danê. Hetêk ra têkoşînêkê yeno dayîş, heto bîn ra zî tedayê hukmê polîsan zî dewam keno. 25ine Kombîyayîş seba ma bi kombîyayîşêk bi tecrûbe. Bi serran o seba kombîyayîşê cinîyê ke kede dayê silam kena.”

 

Serê polîtîkayê şerê taybetî de munaqeşeyan bikerê

 

Adalete, dîyar kerd ke xeylêk tewirê şîdetî estê û vat: “Na çarçewa de ma do têkoşînê xo bikerê yew û senîn têkoşînêkê hempar aver berê qisey bikerê. Ewro tîya cinîyê ciwanî estê. Seba înan zî, seba ma zî no kombîyayîş xeylêk bi qedir û qîmet o. Ma do emsar serê polîtîkayê cîya yê dewlete de qisey bikerê. Ma do nê polîtîkauî senîn tesîr serê cinîyan de kenê, îqtîdarîyê mîyanê keyeyan û polîtîkayê şîdetî yê dewlete munaqeşe bikerê. Na babete seba ma xeylêk girîng a. Têkoşînê cinî bi serewedaritişêk pîl dewam keno. Ma hêvî kenê ke mekanîzmayê azadiya komelî zêde bibê û ma şima hemiyan rê sipas kenê.”

 

Dimayê qiseykerdişê Adalete, cinîyan sloganê “Jin, jiyan, azadî” berz kerdî.

 

Komcivînê ji çapemeniyê re girtî berdewam kir.