MERKEZÊ XEBERAN - Hemverê caardişê çekanê kîmyewîyan hetê Tirkîya ra do bi tewrbîyayîşê bi des hezaran kesan Dusseldorfî de rayîrraşîyayîşêk protestoyî bêro organîzekerdiş.

 

Kongreya Komeleya Demokratîke ya Kurd – Ewropa (KCDK-E) do hemverê caardişê çekanê kîmyewîyan hetê Tirkîya ra hemverê herêmanê Zap, Metîna û Avaşîn, 12ê teşrîna peyêne de bajarê Dusseldorfî yê Almanyayî de rayîrraşîyayîşêkê protestoyî organîze bikero. Yeno amanckerdiş ke tewr zêde 10 hezar kesî tewrê rayîr ra şîyayîşî bibê. Sewbîna welatê Swîsre, Fransa, Belçîka, Hollanda, Swêd, Danîmarka, Norvêç, Fînlandiya û Ingilistan de zî do bi hezaran kesî beşdarê rayîr ra şîyayîşî bibê.