MERKEZÊ XEBERAN - Talîban ke bi polîtîkayê xo yê dişminîyan her wext rojeve de yo, na rey zî park û bexçeyê paytextê Kabûlî cinîyan rê qedexe kerd.

 

Talîbanî destpêkê hewteyî de ferman da berpirsyarê park û bexçeyan ke berê xo cinîyan ra padê. Heta nika seba ke cinîyî û mêrdeyî park de rastê yewbînan nêrê, seba cinîyan saetêke cîya, seba camêrdan zî cîya dîyar kerdibi.

 

Vervatoxê Wezaretî "Teşwîqkerdişê Zerrîpakî û Vernîgirewtişê Nêbaşî" Mûhammed Akîf Sadik Mûhacîrî AFPyî rê qisey kerd û vat: “Xeylêk cayan mîqyasî ameyî binpaykerdiş. Cinî û camêrdî tewrê yewbînan bîyê, mîqyasê  piştişî ameyo binpaykerdiş. Seba nê qerarêk bi nê rengî ame dayîş.”

 

Dimayê şerê 20 serran yewîneyê Amerîkayî xo Afganistan ra xo antî û tebaxa 2021ine de Talîban bi îqtîdar. Rewşa cinîyan ê Afganistanî ke nêbaş bî, bi Talîbanî dir hetê azadîye ra hîn nêbaş bi.